泉章居 (已結業)

以前住北角嘅时候, 我地一家四口好多时都会黎呢间泉章居开餐, 因为呢度嘅四人餐份量足, 价钱平, 而且味道都唔错。今日适逢外母生日, 我地拣左呢度为佢庆生, 俾外父外母试下呢度嘅菜式。我地一行六日订左7点, 到餐厅时客人唔多。黎泉章居主要都系点套餐, 不过因为冇六位套餐, 所以我地点左个四人套餐再加左龙趸两味同琵琶豆腐。我地用$48加钱改左套餐汤做冬瓜盅, 呢个冬瓜盅材料都好丰富, 原个冬瓜制, 我地六人每人一碗都仲有好多剩。油盐水菜心味道正常。梅菜扣肉肉质唔够软腍, 梅菜味道都唔错, 不过因为肉质比较干, 同以前比差好远。😞龙趸两味其中一味, 西兰花都几好, 可惜鱼封太咸。😌琵琶豆腐系特价菜, 性价比还好。荔蓉香酥鸭外层香脆, 芋头蓉都好丰富, 可惜味道太淡。霸王鸡系我地每次黎都必点嘅菜式, 鸡肉好嫩滑,不过都系咸左d。龙趸第二味还不错。