滿小館

营业中

休息中

今年拣咗间中餐馆同老公庆祝生日😆，食完行下海傍拍下拖。第一次食「满小馆」，环境宽敞舒适，拍拖、做节、商务聚餐都啱。🌟香煎墨鱼饼墨鱼饼炸得金黄，只系估唔到系炸鱼片嘅外型。味道鲜甜弹牙，加埋黑松露沙律酱味道更丰富。🌟沙茶花胶牛仔肉牛仔肉嫩同埋冇筋，加埋爽滑嘅花胶丝，你可以当佢系用料好靓嘅沙嗲牛肉🤣。味道比较浓，但配白饭就啱啱好。🌟椰香鲜芒脆虾球巨型虾球经过油炸，香口得嚟肉质爽弹。芒果淋酱出奇地口味清新，再加埋椰丝，系大人细路都钟意嘅口味😚。🌟砂锅鲍鱼鸡粒炆饭饭汁索晒汁，出奇地鲜甜。鸡粒好大块，鲍鱼粒份量都唔少😌。🌟姜汁枣皇糕姜味浓郁，枣味清甜，甜度比想像中低。烟烟韧韧嘅口感超级正😍。