滿小館

营业中

休息中

一班同學聚會，想搵個地方可以坐得耐啲，冇時間限制，之前見呢間餐廳嘅食評都唔錯，所以就揀咗呢間餐廳當日星期五，餐廳都幾旺場，坐無虛席，不過坐咗冇幾耐，我就發覺好似有啲熱，然後環顧四周，發現餐廳都添置咗唔少風扇，有部份食客要開住芭蕉扇食，我心諗確認訂枱既WhatsApp完全冇提過餐廳有呢個冷氣不足的情況🫠如果唔係當日係星期五，我應該會轉左場🤦🏻‍♀️問侍應情況，原來餐廳的中央冷氣唔夠，呢個情況持續咗好耐🫤睇咗咁多篇食評，都冇乜人講過有呢個情況，究竟係唔係我感覺有問題？🥹因為臨時臨急都諗唔到轉去其他地方食，唯有試吓呢度啲菜式味道如何，我哋叫咗八味金磚，火焰古法燒腩叉，砂鍋豉油雞，滿貫小炒王，懷舊蝦多士，小館冰鎮甜酸豬爽肉，海鮮湯脆米泡飯，啫啫通菜煲火焰古法燒腩叉，上枱係幾有特色，味道算幾好小館冰鎮甜酸豬爽肉，又係啱打卡，不過份量有啲少八味金磚，算係正正常常懷舊蝦多士，都幾大件，味道算唔錯海鮮湯脆米泡飯，都係正正常常，唔算好出色啫啫通菜煲，正常滿貫小炒王，正常發揮砂鍋豉油雞，做得幾好，雞肉都幾嫩嘢食算係比起普通酒樓好少少，但係越食越熱呢個問題，就扣晒所有分，除非佢個冷氣整好咗，如果唔係我都唔會再

滿小館（尖沙咀）餐廳位於九龍尖沙咀麼地道63號好時中心地下,餐廳裝修簡約以中式高尚典雅風格,設有酒吧和海鮮魚缸,有多種植物擺設,座位寬敞舒適,餐廳主打點心廣東菜,餐廳現時以推廣價試番兒時的懷舊點心,值得一試,服務員招呼友善有禮。香茜魚翅餃懷舊點心之一,有四件,皮薄餡靚半透明,餡內嘅蝦和豬肉比例均匀食落帶有香茜味。懷舊炸彈球懷舊點心之一,有三件,有菜苗作伴碟,炸彈球炸到金黃色,表面鋪有雪白色砂糖,入口鬆軟綿綿。錦滷雲吞懷舊點心之一,有四件大大塊,炸到金黃色,入口脆卜卜,配有酸甜汁,酸酸甜甜更惹味。翡翠帶子腸一共有六件帶子一腸,粉皮薄半透明,帶子入口鮮甜嫩滑,腸粉軟糯。滿小館蝦餃皇蝦餃皇有四粒,大大粒表皮有金箔,皮薄餡靚晶瑩通透,鮮蝦大大隻爽口兼彈牙。香辣醬皇鳳爪鳳爪夠大隻夠入味,配有紅辣椒和花生,醬皇醃製鳳爪好惹味又腍滑。懷舊蝦多士蝦多士厚身,造型好吸引,有青苗作伴碟,配有沙律醬,不膩,鮮蝦爽口又彈牙。清酒南非鮑用酒杯和冰塊盛載清酒南非飽,上桌有仙氣飄來飄去好吸晴,鮑魚食落爽口彈牙帶有香酒味。璣煮南非鮑廚師烹調璣煮南非鮑,夠入味,微鹹,飽魚口感比較腍滑有口感。

生日聚餐，長輩偏愛中餐，所以選係呢間餐廳慶祝。前菜話梅苦瓜和冰鎮車厘茄非常開胃，令人無法忍口太爺雞雞偏淋，雞皮已不脆口。煙燻味也不足。有點失望冰鎮咕嚕肉擺盤有用心，外形非常得體。但味道就正常沒有太大驚喜。厚燒叉燒必食菜色！入口即溶！咁厚都唔會好硬，好柴！上枱之後仲有侍應哥哥用火槍燒🔥視覺體驗100分乳鴿非常不推薦，食之無味 棄之可惜整體黎講偏普通，不過環境夠大，可以容納一家大細聚餐！但食物方面可以有所提升！

看到社交媒體的推薦，抱著滿滿的期待冒著大雨前來，店家預訂服務很好，會電話WhatsApp確認預訂，下大雨遲到也會留桌。食物基本質素都不錯，蝦多士的蝦仁都很新鮮大顆，燒腩叉也非常可口。基本倒水催菜服務也比較到位。但我很想詢問，看到其他桌點了乳鴿我們也嘗試點了，皮一點不脆，我試圖詢問為什麼不脆，不是脆皮乳鴿來的嗎。服務生姊姊很冷漠的說這是bb鴿，我沒聽懂再次詢問，她說是bb鴿就走掉了，我想問是bb鴿和皮不脆關係很大嗎？解決客人有關菜品疑問是服務基本需求吧，不然加的服務費是只給你偶爾補一下的水的嗎？

Lunch食花膠好似好豪華咁🤣仲包埋一盅燉湯、菜、炒飯都只係$108，真係勁抵😍 當日嘅燉湯係羊肚菌燉瘦肉，真材實料！花膠扒勁大塊，亦到炆得好入味👍🏻瑤柱蛋白炒飯炒到粒粒分明，又唔會太油仲要有一碗菜，夠晒健康！值得一提嘅係呢度啲茶都好好飲當日叫左普洱，好幽香，飲落喉嚨好舒服😌喺附近返工嘅打工仔，真係要試一試👍🏻 味道：🤤🤤🤤🤤🤤/5性價比：🤤🤤🤤🤤🤤/5 菜式：花膠扒套餐：$108- 滋味燉湯- 蠔皇原件花膠扒- 高湯浸時蔬- 瑤柱蛋白炒飯（包加一茶芥）

之前行過見到呢間都多人食，所以今晚決定去試吓！叫咗幾個菜，－半ok, －半就…😮‍💨首先海鮮炒飯同個黃金蝦唔錯可以有7分海蜇头…好差，未食過咁差既口感 2分辣子雞…以為上錯菜完全部係面粉加雞軟骨，價錢$198 實在有啲太離譜 1分水煮魚…賣相唔錯，但食落就好麻麻 5分唔知係我哋叫錯菜，或者太多人食趕住上菜…唔會有下次😮‍💨😮‍💨😮‍💨好失望嘅一餐

跟著特色食物餐單點菜，日本同事很難忘、服務好.特色小食有火焰叉燒，冰鎮咕嚕肉，泡飯都十分出色.餐廳環境可以招待客人，有懷舊氣息，是有氣派，可以招呼客人的類別.六個人消費了$2000, 商務晚飯來說是十分相宜.

滿小館想光顧這餐廳很久了。今次終於有機會，可能由於餐廳地理位置不算好，所以星期日也沒有很多顧客。環境闊落，給人一種舒服的感覺。食物方面，腸粉很高質，內裏很脆。馬拉千層糕也香和鬆軟。海鮮天鵝酥造型精緻，酥皮脆，餡料豐富。期待下次再次光顧。

今晚同屋企人提早食中秋去番以前食過既 因為一家大細11人。。滿小館環境好岩我地。。地方夠大坐得好舒服。麻辣魚皮，燒汁野菌牛柳粒，墨魚餅，雞煲翅，乾坤海星斑，芒椰脆炸蝦球，黃金海虎蝦，慢煮黑椒牛肋，老干媽炒豬爽肉，蜜餞脆芋牛柳，欖菜田園炒飯好味道。。如果有飲酒既人。有幾個餸好似魚皮，野菌牛柳粒，墨魚餅都好送酒牛都有牛味。。唔會為左乸到好淋而冇晒肉味。同埋食唔出有味精口渴最後食埋個甜品楊枝甘露凍，薑汁棗皇糕，芒椰卷，桂花鳳梨糕成餐飯幾個小朋友都食得好開心。我地成班7點食到10點幾先走。唔使趕頭趕命

有朋自遠方來😎帶佢四處觀光之後～等緊夠鐘睇幻彩詠香江之前🌆一於附近醫肚先!!嚟到香港點可以唔食廣東料理呢～見到呢間坐滿食客嘅餐館就walk in入座啦🤗🤗裝修頗有中式風格～對於外國朋友更係特式之一！！ .冰鎮荔枝串串茄 $78上枱時冒住煙充滿仙氣😍😍打卡必叫之物!!已去皮嘅串串茄浸於清甜荔枝汁之中～食落非常解膩消暑呢🍅.火焰古法燒腩叉 (例牌)$168係店家嘅招牌之一！！送到時店員會燃點火焰🔥(奈何唔夠幾秒已經會自動熄滅😆所以影唔到啲火)叉燒腩一咬流哂油勁肥美🐽外層經火焰洗禮成微焦狀～內層鬆化～重點係加咗甜甜哋嘅桂花&蜜糖🍯平衡咗油膩感!!.明爐燒鵝皇 (例牌)$168色澤非常好👏🏻👏🏻仿如玻璃般亮澤之脆皮～加上軟嫩肉質～燒味愛好者可以一試😛.滿館小炒皇 $128最近食廣東菜都必點餐廳嘅小炒皇～果然每間味道各有特色🤗🤗呢度嘅小炒皇加入咗鮮魷、韮菜花、蝦干、菜脯、腰果、黃椒等～材料豐富又有鑊氣！！.上湯焗海虎蝦伊麵 $188大大隻海虎蝦排列得好誘人🦐🦐蝦肉入口厚實～伊麵吸收咗蝦嘅鮮味及上湯之後～係重點精華所在😋.加一服務費茗茶$14@位

位於尖沙咀好時中心地下呢間中菜館，裝修優雅，座位闊落。食物以新派精緻中菜，以及手工點心為主。更有獨立包廂私房菜，私隱度高。🦐滿小館蝦餃皇 $48🦢海皇天鵝酥 $42🌟懷舊蝦多士（2位） $116～ 超級足料，多士放上蝦膠、原只大蝦尾，而且一點都不油膩，食落香酥脆又鮮美彈牙。🍄‍🟫松茸准杞燉螺頭湯（位） $88～ 生津潤燥、滋陰養顏，好足料又飽滿。🌼桂花鳳梨糕 $38～ 桂花加鳳梨，有別於一般桂花糕，更有口感甜美🌟火焰古法燒腩叉 $168～ 必點打卡菜式，燒好嘅燒腩叉，面頭放上桂花蜜，燒腩墊上鐵網，底下放點花雕酒，職員上台為客人點火，製造火焰效果，令燒腩叉有香濃酒香。🌟璣煮南非鮮鮑（位） $118～ 呢個冰鎮五頭南非鮑魚，有清酒、秘制璣煮兩種。🌶️XO醬帶子炒腸粉 $78～ 用燒熱嘅石鍋，放上XO醬炒香嘅腸粉，能夠保持溫度之余，令腸粉有脆口嘅感覺。🫖茶位 @$14～有特色茶類：桂花烏龍、白桃烏龍、玄米茶、牡丹。

雖然出面好多餐廳好靜，但驚奇地發現平日星期三的晚上，這裡非常熱鬧，全場滿座。完本以為只是普通中菜館，上桌才發現全部菜式都非常精緻，擺盤精美，忍唔住要相機食先。冰鎮荔枝串串茄懷舊蝦多士火焰古法燒腩叉海鮮湯脆米泡飯小館冰鎮甜酸豬爽肉上素竹笙扒玉盤桂花鳳梨榚椰香鮮芒卷通常擺得精緻，份量都比較小。反而呢度份量可以接受。特別是蝦多士，超大舊，而且可以段件叫，夠貼心。味道方便，大部分都不太差，中等水準。我最喜歡的是前菜的冰鎮荔枝串串茄，入口冰涼，蕃茄仔浸在荔枝汁裡，夏天食真係開胃之選。

平時食中菜成日去酒樓 朋友話呢一間啲中菜好啱打卡 全部上枱好有台型 點可以唔試下❣️️懷舊蝦多士 $58原先仲以為位上會好細份 一啖食晒嗰啲🦐蝦滑勁彈牙 多士脆卜卜一咬鬆化好夾好正❣欖菜肉鬆四季豆 $118用辣醬爆香嘅肉鬆相當惹味 加上橄欖獨特嘅味道 同淋身嘅四季豆炒埋 送飯一流❣️上湯焗海虎蝦伊麵 $188一般蝦伊麵都係芝士醬白汁食到好厭好heavy 呢個上湯做法同平時完全唔同清得嚟帶出海鮮香氣 口感唔油淋淋 食完都唔覺濟令人最驚訝係足足有成六隻虎蝦咁多 十分足料 鮮味十足新鮮程度更勝蝦多士❣️火焰古法燒腩叉 $168見到OpenRice個個都嗌呢份原來真係咁吸引 店員灑上烈酒後點火 吸引全場眼球🔥火炙過嘅叉燒外焦內嫩 焦香外皮略脆 加上腩叉油脂 入口即溶嘅感覺絕對難忘❣️小館冰鎮甜酸豬爽肉 $198用冰座住嘅豬肉油脂冷卻 食落更加彈牙不膩 溫度減低整體甜度 相比起平時嗰啲無咁甜咁膩仲有凍冰冰嘅藍莓菠蘿士多啤梨 酸酸甜甜成份好summer vibes

滿小館一間新派廣東菜餐廳位於九龍尖沙咀麼地道63號好時中心地下,餐廳裝修簡約得來又高尚優雅,環境光猛舒適,餐廳主打新派廣東菜,有各種小炒和海鮮供客人選擇,服務員招呼殷勤有禮。茶樹菇燉竹絲雞燉湯湯底清甜,不膩,湯內有竹絲雞,茶樹菇和瘦肉,茶樹菇健脾清熱補氣,一個好健康嘅燉湯。松茸淮杞燉螺頭松茸健腦消炎清熱,淮杞滋腎,潤肺,補肝明目,湯底鮮甜滋潤健康。冰鎮荔枝串串茄冰鎮荔枝串串茄上桌好吸晴,整杯煙霧瀰漫,仙氣四處漂開,乾冰嘅效果,每粒串串茄食落有冰涼荔枝的味道,好特別夠創意。鍋仔鮑汁雞腳鮑汁雞腳用鍋仔乘載上桌,配有花生,每隻雞腳都沾滿鮑汁,入口淋滑,好有骨膠原口感。鴛鴦小館南非鮑冰鎮磯煮五頭南非飽和冰鎮洒煮五頭南非飽,一次過食廚師兩種鮑魚嘅煮法,酒煮鮑魚入口比較彈牙鮮甜,磯煮鮑魚口感比較淋滑,夠入味。肉燥蒸滑豆腐豆腐入口超淋滑,好有黃豆味,肉燥微鹹,不膩,與豆腐都好夾,食落有兩種口味和兩種口感。

呢個火焰古法燒腩叉好似好多人都有叫，所以我地都叫咗黎試吓。拎到埋黎仲會再用火槍燒多一次叉燒表面，燒到微微燶，等舊叉燒更加香。D叉燒件件厚切，咬落去特別爽。而且叉燒面仲有一層梅子醬，等食嘅時候無咁油膩，口味獨特得來有幾清新。個名叫做八味金磚，其實就係炸豆腐，不過真係炸得好好。一咬落去香脆非常，而且都幾惹味，入面D豆腐非常之嫩滑，唔會太厚炸粉，亦唔會一夾就散開晒。個雞有少少失望，煮得over咗，搞到D肉有D鞋。