霸王山莊 (已結業)

果日两个人去叫左三样野：黄金虾 - 成旧水o既黄金虾，d虾食落居然无虾味，淡谬谬！好明显系用雪藏虾！而咸旦黄味亦都好淡！如果系收四五十蚊o既话都可以接受，但系收得咁贵都系俾呢d货就真系离晒大谱！而且大家睇下张相，一d伴碟都无，只碟白晒晒咁，连卖相都唔掂！京葱牛肉 - d牛肉一d无牛肉味同肉味都无，唉～～～又系雪藏货？定系梳打粉太多呢？炒饭 - 呢个炒饭黎果时望落好似几ok，不过一食就知又出事！又系一d味都无o既！食炒饭食到好似食白饭咁，咁大个人都系第一次！食完呢餐饭，个感觉系唔知食左d咩，一d回"味"o既感觉都无，好似系食左一堆野塞饱左个肚咁，真系食面包都好味过佢！起码有味道先啦！所以最后系一毫子贴士都无俾！