蜜雪冰城

营业中

休息中

见开咗一排都咁多人买，大陆又开咗咁多分店，就谂住试下。我见附近都有人食佢个雪糕，就买咗草莓味雪王大圣代，咁我不嬲都唔会打卡，唔影相就咁食，本身都冇谂住写食评，但食完之后觉得唔写对唔住自己。佢个草莓味雪王大圣代就好似m记嘅士多啤梨新地，都系士多啤梨酱+雪糕，但就大杯过m记，蜜雪冰城嘅士多啤梨酱比m记嘅冇咁甜，味道好过m记少少，但蜜雪冰城个雪糕系冇咩味，我好努力好认真咁品尝，先食到少少牛奶味，连甜味都唔多，我大为震惊，但因为我知蜜雪冰城除咗雪糕之外，仲主打饮品，心谂可能只系雪糕垃圾，所以决定俾多次机会佢，试埋个饮品，就买咗都几多人买嘅蜜桃四季春(正常糖同冰)，我未饮之前谂住会有蜜桃味嘅糖浆，同埋见个底有啲桃肉粒同椰果，所以头个几啖枝饮管唔插到落底，只饮佢个茶底，饮落去冇茶香，茶味极淡，只系饮得出自己系饮紧茶，仲谂住会有蜜桃味糖浆系底，就将枝饮管插到落底谂住试下个糖浆，饮到啲椰果+桃肉粒+茶，椰果正常，桃肉粒虽然有啲桃味但系明显浸过糖水，死甜，啲茶系0桃味0甜味，成杯野竟然连蜜桃味糖浆都冇，椰果同桃肉粒又少，虽然唔系话难饮到唔入得口，但同样价钱系7仔求其买枝樽装野饮都好饮过佢，完全系垃圾。