宴 尖沙咀

呢间冲绳料理并唔系第一次帮衬，今次先写食评系因为真心觉得佢哋而家嘅食物价钱离谱咗…我同朋友4个人，叫咗蟹子沙律，鱼汤杂坎，汁煮喜之次，苦瓜炒豚肉，吞拿鱼卷，墨鱼汁炒面，仲有一个八爪鱼小食，同埋两杯Soda,一杯苦瓜茶 ，埋单$2500，个汁煮喜之次系埋单先睇到价钱系$1300我知道喜之次本身都系贵价，但系谂过系$1300…落单前职员介绍时令鱼类，我拣咗喜之次，我衰，又无问几钱😅，埋单见到$1300打咗个突个鱼汤杂坎，每人半碗份量$320，吞拿鱼卷六粒$150。不过，呢间餐厅如果你唔系拣限时任食日式火锅佢哋唔会限你时间嘅，都唔会摧人走，可以倾偈坐耐少少都ok。