蘇山雞飯

营业中

休息中

呢间系长沙湾新开咗冇耐嘅星马菜餐厅，之前听讲招牌海南鸡饭好出名，终于有时间嚟试下😙夜晚见到有好多人系门口排队，店面唔算话好大，但坐得都舒服。除左马来西亚同新加坡菜之外，仲有提供特色港式菜同晚市套餐，菜色算多样呢🔸 招牌海南鸡饭配迷你星洲叻沙（HK$75） +加配参巴酱通菜 （HK$20)呢个晚市套餐超抵食呀🙂除左有海南鸡饭之外，仲配埋一份迷你星洲叻沙添，可以一次过试晒两款菜色。海南鸡皮滑肉嫩，肥瘦适中，油饭食落都唔腻，夹埋一齐食别有一番风味。迷你星洲叻沙虽然份量唔大，但味道一样咁足，汤底微辣带点椰香，有豆卜、鱼蛋鱼片同大虾，成个set食落好满足～🔸 鲜油咖央多士（HK$22）鲜油咖央多士见好多人嗌，果然冇令小编失望~烤过嘅士司夹住甜甜嘅咖央酱同冻冻地嘅牛油片，极度邪恶嘅组合，但都系忍唔住食晒佢～⁡🔸 轻怡肉骨茶（HK$48）肉骨茶入面有豆卜同排骨，材料都几丰富，白胡椒味好突出，增加香气，惊药材味嘅人都可以接受到～⁡🔸 特色小食拼盘（HK$78）可以一次过试晒咁多样小食，包括有鸡翼、泰式鱼饼、顺化猪肉串、黑椒扎肉同脆炸凤尾虾春卷。小编特别钟意春卷，摆左一段时间都一样咁脆身，猪肉串都好咸香