CIAK - All Day Italian (太古城中心) (已結業)

平时同屋企人出去食多数都系食中菜，今日少人啲，轮到我话事，咁我提议食西餐。 我想食CIAK嘅餐厅好耐㗎喇， 同佢同集团嘅中环店系高档餐厅，暂时未有幸帮衬，今次食呢间系主打意大利菜嘅，价钱亲民，仲系米芝莲餐厅嚟㗎。去到都好多位，餐厅唔算满。 我哋叫咗一个 蛋黄芝士酱卡邦尼意粉，同埋 水牛芝士罗勒蕃茄酱 pizza。嘢食未嚟到之前有面包， 味道都唔错。等咗一阵嘢食嚟到喇。 哇， 个卡邦尼意粉超级多蛋黄酱，成碟系黄色㗎! 　　一望就觉得好吸引! 可能我钟意食蛋黄酱喇，所以对呢个做法嘅卡邦尼意粉非常有兴趣， 一食落口每一条意粉都挂满咗好好味嘅蛋黄芝士酱汁，意粉亦都煮到啱啱好，好弹牙好有咬感，真系超级超级好食! 另外个pizza都好正，佢唔太厚又唔系好薄𠮶种，食落去觉得个饼底烤到啱啱好，有少少烟韧又有啲松软， 再加埋水牛芝士同蕃茄，每一件都非常之好味! 正到我地一人可以一次过食三件都得! 成餐好满意，啲嘢食实在太好食，我哋慢慢品尝, 有啲唔舍得食晒佢哋! 价钱又唔算好贵, 环境都唔错, 嘢食又咁好食, 我真系好推介! 如果有分店就好, 因为都啱朋友聚会，但约大班人通常未必会入嚟呢区食。