港楓味

营业中

休息中

见完客路过见到有间新开小店铺头以外卖为主，店内设有少量立食位置， 价钱亲民款式都唔少。就买左两份返屋企同老婆食。香煎慢煮黑椒牛柳转菜底 $68（+$8转菜底）份量十足，牛柳肉质细嫩，食落好juicy，淋上黑椒酱汁后更惹味。老婆加左8蚊转菜底，菜既份量有成半盒，食完超满足。泰式香茅猪颈肉饭 $58 猪颈肉经过香茅和泰式香料腌制后，非常入味。烧到皮脆内嫩，令人食唔停口。仲有两件超甜烧菠萝，大爱。另外，跟餐加$8仲有特饮荷香冬瓜薏米露同香柠话梅苿莉花香。我个人钟意荷香冬瓜薏米露多d，清甜好饮又足料。