港楓味

营业中

休息中

外買飯盒又健康、又好味、又整得快。推介沙律🥗無論係田園沙律、雞胸肉沙律、牛柳沙律都好好味👍🏻其他飯都好味，最鍾意佢比普通飯盒多好多蔬菜🥬，環保紙盒都非常好👍🏻

之前食過幾次沙律，後來先發現原來飯底可以轉熟菜底!!!!! 實在太好啦唔洗成日食凍冰冰嘅菜！熟菜底有椰菜花、西蘭花、椰菜、冬菇、紅蘿蔔絲同粟米。炒到剛熟唔會老，食到蔬菜嘅爽脆，火候控制非常好，唯獨是調味太重手，好鹹🥲今日再試，調味輕手咗，反而更食得出蔬菜嘅鮮甜。我叫嘅係肉質柔軟嘅燒牛肉，配埋味道唔會過重嘅燒汁，真係超正👍🏻今次無影相啦，因為唔係第一次食，但估唔到今次咁驚喜，要即刻上嚟寫返篇食評😂

記唔到幾時開始，我心裏就一直掛住想試下我司樓下嗰間外賣。幾日前終於有機會，同幾個同事一齊點咗幾樣唔同嘅飯盒。我自己揀咗個泰式香茅豬頸肉飯。嚟嘅時候個豬頸肉真系炒得外皮微酥，入口之後即刻感受到香料嘅層次，特別係香茅嘅清香，突出咗豬肉本身嘅甜。😍佢哋仲好貼心地放咗兩片燒菠蘿，加咗點甜味之餘還解解膩。我旁邊嘅同事選咗健康路線，點咗黑椒慢煮雞胸肉飯。啱啱好，我都搏咗一啖試下，雞胸肉保持咗水份，唔會話乾身，口感柔嫩，夠味之餘唔會太咸，證明廚師嘅調味功夫掂。😋同事之中有位茶魔頭特別揀咗荷香冬瓜薏米露，佢滿意到幾乎想即刻再走次單，話味道清新之餘仲有淡淡的荷葉香，喝落去又消暑又舒緩。最后讓我印象深刻嘅，係另一盤咖哩牛肋條飯。軟綿綿嘅牛肋條配上濃郁嘅咖哩醬汁，真係令人難以忘懷。牛肉嘅鮮甜加上咖哩嘅香辣，冇得輸。👌呢間外賣真係出乎我哋意料之外咁正！下次仲要試下其他嘢，希望味道一樣保持得咁好。食物質素又高，選擇又健康，真係讓人吃得好開心。

係附近返工，好多餐廳都食到厭哂而且lunch 超多人，有時都想買返公司/屋企食外賣，呢間又平又多菜份量適中雞排煎過同醃左，幾juicy ,好似比炸更健康菜就有多元化，椰菜，椰菜花，西蘭花，蘿蔔，同有唔同菇類，幾新鮮同幾好味飯可以揀多飯少飯同可以揀蕎麥紅米，好似都幾健康，一定會試埋其他口味仲配左椰子雞湯，唔會太肥清清地唔飲湯亦可選紙包茶，而且午餐時間都幾多人去買，可能最近周圍多左好多office 同多左好多人係呢邊返工😀😀😀

鰂魚涌好多外賣小店，咁啱行過海澤街，見到呢間健康餐外賣小店，食物無添加味精，健康有益，食物選擇多，有飯類、沙律類、小食類、湯及飲品午餐時段，買咗兩份沙律類套餐，一份係 [ 低脂雞胸沙律 $58 ] 沙律菜底份量真係超多，配料有南瓜、車厘茄、藜麥、薯仔、粟米粒、半隻蛋，低脂雞胸肉肉質口感柔軟，份量都幾多下，熱量低、蛋白質豐富，清新好味，醬汁配培煎胡麻醬另外跟餐 +$5 [ 雪耳椰子雞湯 ] 香濃椰子味滋陰潤肺，好味又有益，味道清甜好飲另外一份係 [ 泰式香茅豬頸肉沙律 $68 ] 豬頸肉肉質嫩滑，而不油膩，點埋泰式酸辣汁，配料有南瓜、車厘茄、藜麥、燒菠蘿、粟米粒、半隻蛋，大量沙律菜底，新鮮健康又好味跟餐 +$8 [ 香檸話梅茉莉花茶 ] 口感鹹鹹甜甜，飲完更開胃自家製飲品餐廳：港楓味 (鰂魚涌)地點：鰂魚涌海澤街3號地下C號舖電話：95944018

在附近上班，已經光顧了這間餐廳好幾次，欣賞食物質素有保障，分量充足夠一個成年男人飽肚之餘，又多蔬菜😝✅泰式香茅豬頸肉（$58）豬頸肉保持了肉質的鮮嫩，搭配上濃郁的泰式香料和香茅的香氣，配飯一流，仲有西蘭花、椰菜花、椰菜同菠蘿等配菜，煮得香甜但不油膩，豐富和有營養過吃兩餸飯😂✅鮮奶清蛋炒蝦仁（$58）使用了新鮮的蝦仁和鮮奶，蝦仁經過炒煮後保持了彈牙的口感，搭配上濃郁的鮮奶和蛋，帶出了蝦仁的鮮甜味道，份量都好足，都幾厚身，底面有大約有6/7隻大蝦仁✅香脆鹽酥雞（$28）外皮炸得金黃酥脆，咬下去時發出一聲脆脆的聲音🤣雞肉的肉質鮮嫩多汁，而且炸得剛剛好，不會太油膩，吃起來爽口十足👍🏻

搵下搵下～其實鰂魚涌都好多好嘢食特別係好多外賣小店出品好有heart價錢又相宜❣️呢間店新開 盒飯嘅份量大到你唔信最重要係老闆好重視大家嘅健康 配咗大量雜菜 啱晒我呢啲無菜不歡嘅人仲配有半隻滷水蛋營養好均衡嘅感覺😌❣️泰式咖喱牛肋條飯 牛肋條份量好多 忟到好腍 仲有咖喱永恆嘅伴侶薯仔🥔 夠晒綿又索晒啲咖喱味 正到爆❣️泰式香茅豬頸肉飯 咖喱汁另上 多汁小汁悉隨尊便 豬頸肉煎到好香口 食落唔會淡淡油 最欣賞佢有兩舊新鮮嘅菠蘿啊 好清甜，留意返係新鮮唔係罐頭㗎🤤❣️荷香冬瓜薏米露 有淡淡的荷葉香味 薏米煲到好綿 飲落好清甜，夠晒解渴❣️香檸話梅茉莉花茶 咸咸地酸酸甜甜好開胃 仲有淡淡的茉莉花茶香 完全冇諗過呢個組合咁夾想健康啲？仲可以轉菜底或者紅米飯添！

作為一間外賣店，可能新開啦，手機落左單，去到話無我張單喎、職員話無佢地個訂單no.,而我得平台個單no. 就咁話無就唔理我，明明講左係邊間落，職員一句話搵唔到我就呆企左係度，我嘗試好努力搵比佢，佢對都唔對單，我問佢對名得唔得，佢竟然答我張單無名無電話對。雖然最後都拎到，但我睇過張單，成個訂單no同名都有印係度，點解會對唔到呢？睇嚟仲未學識搞外賣單，現場買就無咁混亂。呢間野味道話自己無添加味精，味道真係好住家，包裝係靚嘅，但服務就欠啲熱誠

途經鰂魚涌，順便買埋外賣回家慢慢嘆，舖頭新開張冇幾耐，見有齊豬牛雞肉等，又有白飯、藜麥紅米飯、或菜底👍承諾不添加味精❤️選用環保餐具👍香煎慢煮牛柳沙律～有3款沙律醬供選擇，我選了培煎胡麻醬，牛柳好嫩口，鋪滿沙律菜面，仲有半隻日式醬油蛋，沙律菜又夠新鮮，有蛋白質又有纖維，夠晒健康😍泰式咖喱牛肋條飯～分量十足，而且新鮮熱辣，充滿椰香的咖喱汁唔辣夠晒香濃，牛肋條入味鬆化，還配有好多雜菜，仲有半隻日式醬油蛋，好豐富😋

見完客路過見到有間新開小店鋪頭以外賣為主，店內設有少量立食位置， 價錢親民款式都唔少。就買左兩份返屋企同老婆食。香煎慢煮黑椒牛柳轉菜底 $68（+$8轉菜底）份量十足，牛柳肉質細嫩，食落好juicy，淋上黑椒醬汁後更惹味。老婆加左8蚊轉菜底，菜既份量有成半盒，食完超滿足。泰式香茅豬頸肉飯 $58 豬頸肉經過香茅和泰式香料醃製後，非常入味。燒到皮脆內嫩，令人食唔停口。仲有兩件超甜燒菠蘿，大愛。另外，跟餐加$8仲有特飲荷香冬瓜薏米露同香檸話梅苿莉花香。我個人鍾意荷香冬瓜薏米露多d，清甜好飲又足料。

返工附近呢間外賣鋪真係好方便，食物選擇又多，我放工之後都幾常幫襯😙咖哩牛肋條飯充滿著椰香的咖喱令人好開胃，牛肋條非常嫩滑，每一口都能品嚐到滿滿的肉汁，而且很容易咬斷，另外仲有半隻蛋、西蘭花同椰菜等配菜，好豐富，啱晒我呢啲返工常常出外少食菜的人😋和風牛肉丼牛肉片肥瘦適中，而且味道香濃，另外附帶了和風醬，讓你可以根據個人口味增加調味，同樣地，這道菜也有很多蔬菜😎香檸話梅茉莉花茶鹹鹹酸酸嘅飲品，好開胃！

見到開左間新健康外賣，平日想食得健康d立即外賣自取黎試試🥸🍱泰式豬頸肉 $46見到做特價叫黎試試，外賣盒異常硬好安心😂2個都備註左多菜少飯，飯可以轉紅米飯，飯粒粒分明不是“一堆”。菜都係西蘭花椰菜花為主，配椰菜紅蘿蔔。鹽調味無過分醬汁，煮得夠軟🖐🏻菠蘿係新鮮！🍱黑椒慢煮雞胸肉 $58慢煮雞胸肉好食💯我食得非常清淡，叫左走黑椒，雞胸好有水準真係入口柔軟😳💮份量多，重點係調味不鹹不會口渴😭👍🏻希望保持。更加有雞蛋，蛋白質目測可以有30g+。

途徑鰂魚涌看見餐牌的外賣飯盒頗吸引，有牛肉、豬肉、雞肉等。外賣可以選擇白飯、菜底或藜麥紅米飯，不錯。飯盒用環保紙飯盒，可被環境分解，有企業責任，值得支持。⭐️味無骨海南雞以嫩滑多汁的雞肉為主要成分。雞肉入口彈牙，雞皮Q彈，雞肉嫩滑，還有半顆雞蛋，營養十足。我將白飯轉成菜底，更健康，菜底有西蘭菜、粟米、椰菜花、冬菇等，非常健康，也很飽肚。⭐️泰式香茅豬頸肉飯盒也很豐富，有新鮮切片菠蘿兩片，半顆雞蛋，豬頸肉入口十分鬆化彈牙，帶有一點香茅的香味。非常美味。就算是飯底，也有差不多一半的蔬菜，非常健康。⭐️香草煎雞扒這道菜是炸雞扒，經過香草調味後煎烤而成。它的外表酥脆，內部多汁，入口仍然很彈牙，口感不錯。加$5還可以有飲品，不錯。

港楓味😋😋😋潮食健康餐外賣專門店鰂魚涌海澤街、新開健康餐外買專門店、美食都以抵炭、慢煮、店主承諾不添加味精、健康午、晚餐快樂泉源！😃🥰🐔楓味無骨海南雞$68+油飯$5、配加$8香🍋話梅茉莉花茶有驚喜、海南雞軟滑冇添加、雞肉皮爽肉嫩、肉質鮮甜、仲好彈牙爽口、口感軟綿綿、配油飯、飯香而不膩、冇骨雞蘸點薑蔥蓉或帶點甜酸泰式辣椒汁、帶出雞更美味！半邊鹵水蛋、賣相吸睛😆配菜一流、不止單一款菜、迎🈴️每日兩份菜！椰菜花、西蘭花🥦粟米粒、香菇、紅蘿蔔絲、椰菜、真正健康餐、嘆番枝自家 飲品、開胃醒神！🐂和風牛肉丼$58+$8荷香冬瓜薏米露未開飯蓋、和風牛肉的濃香牛味撲鼻、牛汁濃郁入味、洋蔥軟身入晒味、牛脂分佈均勻、入口即溶感、配菜冇🉐️輸、真正健康美食午餐晚餐之選！嘆埋枝清潤飲品、飽肚🈵️足👍🏻田園沙律🥗$48大大盒沙律菜、沙律菜厎好多款菜、配健康藜麥、薯仔、南瓜🎃、蕃茄粒、半隻雞旦、吃時淋上麻醬、清新爽甜、新鮮、超抵價、超抵食、超健康！💯**店主益食家可提供港島東區配送服務**港楓味鰂魚涌海澤街3號地下C號鋪港鐵鰂魚涌站B出口、步行約3分鐘

分量及味道正常唔咩特別。試過黑椒汁慢煮雞胸肉，泰式酸辣醬豬頸肉，叉燒炒蛋飯，有好多配菜、半隻水煮蛋，都幾豐富。味道偏淡，健康選擇。新開張一段時間都還可以。但近兩次體驗較差，出單混亂，經多種平台可點餐係方便，但餐廳單據混亂堅且會漏單。趕時間所以買飯盒，結果等咗九個字仲慢過堂食……鋪頭執餐姐姐懵懵地唔係好聽到你講嘢亦唔知點幫跟進。點餐姐姐就係咁關注點餐，叫你等等。問題係已經點咗餐嘅都仲未消化得切，繼續點落去咪繼續搞唔掂……