新興發粥店 (已結業)

依间原本环境几恶劣嘅粥舖竟然装修，焕然一新，见佢干净左就打算试吓🤔鱼腩 排骨 鸡 炒面（$50）炒面比想像中好😮炒得几干身唔系太油腻，啲𩠌方面份量都几足。牛肉 猪丸 牛丸 粟米 米粉（$47）收得咁嘅价钱份量系足嘅。好多粟米好似食极都食唔完🤣牛肉都算腍。鸡蛋 鸡 虾球 菠菜 米粉（$52）一碗咁嘅车仔面都几贵，但系米粉都多，料都足嘅。鸡都几滑👍🏻虾球有啲失望因为要加$5但系俾虾仁😓菠菜都好多😍好新鲜。凤爪排骨盅饭（$37）叫咗最后尾一盅，其他盅头饭都冇晒😓望落比较细碗，但系其实饭都几多，饭都白雪雪。排骨就有D比较肥冇乜肉，但系都几多旧。滑牛 公仔面（$29）普普通通一碗面，牛肉算腍，汤底唔会太咸👌🏻。因为得两个侍应，佢哋好忙碌，我个碗虾米粉就等左好耐先到😶。环境系相对干净左但系都系粥舖一间。虽然价钱比较贵，但系份量都唔少嘅。食物质素又唔算差，但系唔会特登嚟食。