影片
更多
2012-05-14
268 浏览
话晒呢间都系皇上皇集团, 冇谂过集团式酒楼, d 食物水准会差成咁.星期六晨早与屋企人到此酒楼饮个早茶. 谁不知食完好唔开心啰!!2人行, 叫左6个点心, 埋单接近$190 (连茶钱)....价钱不是最大问题, 宜家好多酒楼都去到呢个价, 亦明白宜家成本高, 食物平极都有限, 至紧要味道及服务都唔好太差!! 可惜.....1) 蜂巢炸芉角 - 表面睇落去个样都ok, 一咬落去就吓一吓, 个皮又厚又"实", 亦因为厚皮过头, 所以饀劲少2) 皮旦猪膶粥 - 料少不在讲, 猪膶煮到"老"晒, 劲"un"...粥好淡口, 好明显今朝加过水再翻煲, 但翻煲时间唔够耐, 连盐都悭番冇落.3) 煎萝卜糕 - 萝卜超少, 我谂份量有10:1 (粉:萝卜), 口感劲"粉"....都算! 谂住点下甜酱辣酱去遮盖佢既缺点啦, 点知, d 酱好似"git"左落只碟好耐咁, 有少少干身, 夹住件萝卜糕去点, 成件质落去都点得果少少响件糕度...辣酱唔辣, 冇乜辣酱味, 但colour 又够橙红色㖞! 4) 韮菜鲜虾蒸饺 - 呢个饀料系ok正常, 但个皮超唔掂!! 应该落左劲多粉去"try"个皮, 皮厚身得嚟
星期六晨早与屋企人到此酒楼饮个早茶. 谁不知食完好唔开心啰!!
2人行, 叫左6个点心, 埋单接近$190 (连茶钱)....价钱不是最大问题, 宜家好多酒楼都去到呢个价, 亦明白宜家成本高, 食物平极都有限, 至紧要味道及服务都唔好太差!! 可惜.....
1) 蜂巢炸芉角 - 表面睇落去个样都ok, 一咬落去就吓一吓, 个皮又厚又"实", 亦因为厚皮过头, 所以饀劲少
2) 皮旦猪膶粥 - 料少不在讲, 猪膶煮到"老"晒, 劲"un"...粥好淡口, 好明显今朝加过水再翻煲, 但翻煲时间唔够耐, 连盐都悭番冇落.
3) 煎萝卜糕 - 萝卜超少, 我谂份量有10:1 (粉:萝卜), 口感劲"粉"....都算! 谂住点下甜酱辣酱去遮盖佢既缺点啦, 点知, d 酱好似"git"左落只碟好耐咁, 有少少干身, 夹住件萝卜糕去点, 成件质落去都点得果少少响件糕度...辣酱唔辣, 冇乜辣酱味, 但colour 又够橙红色㖞!
4) 韮菜鲜虾蒸饺 - 呢个饀料系ok正常, 但个皮超唔掂!! 应该落左劲多粉去"try"个皮, 皮厚身得嚟感觉食左好多粉咁, 食一只劲顶胃~
5) 蒜蓉蒸鲜鱿 - 味道正常, 但鲜鱿蒸过时, 劲硬劲"un"....蒜味冇乜~
6) 蒜蓉蒸排骨 - 咁多款点心我觉得呢款算系比较正常, 味道ok! 排骨都入味的, 可惜, 每件排骨切得好大件, 大到放落口后系唔可以说话果种"大", 仲要一件串连一件, 我夹一件,等于夹2-3件, 一夹就夹起半碟了...要自己再加工cut番开佢....连切排骨厨房师傅都切到咁求其...=.="
若我用每人平均$9x去食d 咁既质素点心, 我洗乜嚟呢度??
张贴