譽居 (已結業)

中秋节，费事要阿妈煮饭，所以同佢去杏花村揾食。杏花新城好处就真系多野食㨂，人流唔多唔使等同迫餐死。老人家最后㨂左食中菜，7点黎到仲大把位。虽然系open area, 但坐得舒服。✨食物选择都几多，有粥，泡饭，烧味饭，小菜套餐等等。价钱都算亲民，而且标榜少盐少油。✨我地就主攻叫左好多特价菜：✨豉椒炒蚬（$33) :价钱算平，份量都ok。起码唔系得d壳，味道都唔错。✨乳鸽（$68): 特价左都$68，皮唔脆，乳鸽干身无咩肉汁，唔抵食。✨迷你鲜沙巴趸两味（$103) :有西兰花同古法蒸两种，碟头比较细，不过鱼都几鲜味。✨西芹炒田鸡：田鸡煎香过，几好味。✨南乳粗斋什菜煲（$65) :阿妈话唔抵食，不过我就最钟意呢味😆。d 汁捞饭劲正，入边有白菜，莲藕，菇，茄子，粉丝等等好入味👍🏻✨陈醋骨（$75): 似猪扒多过骨，略嫌唔够脆，醋味太酸。✨5 个人围番起一百蚊松d, 都算抵食。如果唔煮饭叫下一人套散食就更加抵，食完番去起码都无话好颈渴，而且味道都ok, 感觉唔会太油腻。