更多
2024-09-15
367 浏览
一行3人周日正午12点前入座,不用等位。可能仲未返晒工,入餐厅时无日式嘅欢迎仪式😄。餐厅唔系好大间,只有2人/4人枱,大概二十几张枱,隔离枱5人都系加圆櫈坐走廊。成间餐厅嘅员工似乎都系外劳,听倒佢地之间用普通话沟通。而且坐附近𠮶几枱都系移咗民嚟香港嘅家庭,感觉好似返咗大陆咁😄。讲返啲嘢食。我地叫咗5样。1) 招牌蝴蝶鱼(少油、走辣,$98)份量都几多,仲有啲红萝卜薄岸同青瓜薄片一齐炒。但味道就无乜特别,好似屋企𩠌咁。成碟嘢好咗好多蒜头炒,我自己就麻麻地。2) 鲜炒黄牛肉(少油、少辣,$138)用咗土豆丝(薯仔丝)炒,味道唔错,但好油。牛肉嘅味道系似返大陆食火锅𠮶种肉味,不过有啲韧,而且好多牛肉都切到碎湿湿,好难夹。3) 鱼汤滑豆腐($58)鱼汤清清地,同豆腐应该系夹嘅。豆腐好滑,似百福豆腐,不过唔知点解豆腐好似系甜嘅。4) 香辣刁子鱼($38)似上海菜嘅薰鱼,但呢碟鱼系辣嘅,而且亦无咁好味。鱼嘅质地似硬咗嘅豆豉鲮鱼,鱼皮仲硬,唔啱口味。5) 老面花卷($29)花卷好松软,甜甜地,但我食唔倒面粉味。整体质素麻麻地,但价钱确系比一般餐厅平少少,会再帮衬嘅,不过唔会好热切咁啰。
餐厅唔系好大间,只有2人/4人枱,大概二十几张枱,隔离枱5人都系加圆櫈坐走廊。
成间餐厅嘅员工似乎都系外劳,听倒佢地之间用普通话沟通。而且坐附近𠮶几枱都系移咗民嚟香港嘅家庭,感觉好似返咗大陆咁😄。
讲返啲嘢食。我地叫咗5样。
1) 招牌蝴蝶鱼(少油、走辣,$98)
份量都几多,仲有啲红萝卜薄岸同青瓜薄片一齐炒。但味道就无乜特别,好似屋企𩠌咁。成碟嘢好咗好多蒜头炒,我自己就麻麻地。
2) 鲜炒黄牛肉(少油、少辣,$138)
用咗土豆丝(薯仔丝)炒,味道唔错,但好油。牛肉嘅味道系似返大陆食火锅𠮶种肉味,不过有啲韧,而且好多牛肉都切到碎湿湿,好难夹。
3) 鱼汤滑豆腐($58)
鱼汤清清地,同豆腐应该系夹嘅。豆腐好滑,似百福豆腐,不过唔知点解豆腐好似系甜嘅。
4) 香辣刁子鱼($38)
似上海菜嘅薰鱼,但呢碟鱼系辣嘅,而且亦无咁好味。鱼嘅质地似硬咗嘅豆豉鲮鱼,鱼皮仲硬,唔啱口味。
5) 老面花卷($29)
花卷好松软,甜甜地,但我食唔倒面粉味。
整体质素麻麻地,但价钱确系比一般餐厅平少少,会再帮衬嘅,不过唔会好热切咁啰。
张贴