影片
更多
2008-11-26
38 浏览
转左环头后, 少不免都要四出揾下野食, 终于早阵子就黎左呢间食店, 皆因听闻呢间食店嘅叉烧出名, 所以师傅点都要黎试一试!入到去人山人海, 莫非真系咁出名, 好彩一兜友好易揾位, 于是一坐底就揾柯打左师傅嘅至爱 - 叉烧饭!喺等紧碟饭嘅期间, 师傅不断四围咁望, 当然唔系望女仔啦, 系望下其他食客食d咩多, 发觉唔系叉烧饭, 就系云吞面; 话咁快叉烧饭就登场, 二话不说先试下旧叉烧, 叉烧真系烧得香, 加上蜜味适中, 甜甜地几好味, 而肉质半肥瘦, 加上够松身, 真系几正; 当送饭时发觉d饭反而好湿, 好黏口, 令口感骤降, 即刻扣唔少分, 有咩即由白饭可以咁湿呀?总括黎讲叉烧质素颇好, 但白饭唔得, 可能食汤米仲正, 环境算系光猛, 服务一般, 价钱都唔算平架, 冇记错应该系三十有二, 冇野饮架, 得清茶一杯啰; 师傅觉得如果同再兴比就真系蚊脾同牛脾喇, 不过如果喺呢区又想食叉烧, 师傅会优先考虑呢间食店, 笑声都可以比, 完全系因而叉烧咋, 有机会翻炒!
入到去人山人海, 莫非真系咁出名, 好彩一兜友好易揾位, 于是一坐底就揾柯打左师傅嘅至爱 - 叉烧饭!
喺等紧碟饭嘅期间, 师傅不断四围咁望, 当然唔系望女仔啦, 系望下其他食客食d咩多, 发觉唔系叉烧饭, 就系云吞面; 话咁快叉烧饭就登场, 二话不说先试下旧叉烧, 叉烧真系烧得香, 加上蜜味适中, 甜甜地几好味, 而肉质半肥瘦, 加上够松身, 真系几正; 当送饭时发觉d饭反而好湿, 好黏口, 令口感骤降, 即刻扣唔少分, 有咩即由白饭可以咁湿呀?
总括黎讲叉烧质素颇好, 但白饭唔得, 可能食汤米仲正, 环境算系光猛, 服务一般, 价钱都唔算平架, 冇记错应该系三十有二, 冇野饮架, 得清茶一杯啰; 师傅觉得如果同再兴比就真系蚊脾同牛脾喇, 不过如果喺呢区又想食叉烧, 师傅会优先考虑呢间食店, 笑声都可以比, 完全系因而叉烧咋, 有机会翻炒!
张贴
