華昌粥麵燒腊飯店 (已改名) 查看

前幾日外賣個叉燒飯，啲叉燒肥到離晒譜，連一個對食物冇要求嘅小朋友，都話肥到食唔到，跟住佢淨係食啲白飯。隔咗幾日叫其他外賣，同個收銀溫馨提示上次叉燒太肥啦，佢話肥叉係貴嘢，我話肥都食唔到喎，佢冇理我。其實啲嘢食收得咁貴，客人越來越少，可以加把勁專心做好啲。最近前前後後有叫過小菜，同埋乾炒豬扒公仔麵等，都越嚟越難食（我係幫襯咗10年嘅老街坊）。對食物冇要求，或者失去味覺嘅，可以繼續去。個人覺得大家樂好食過佢及性價比高好多。

中午吃飯20分鐘未夠就被收野同叫人走. 一分鐘抹檯3次！係咁叫人走！ 4個人吃飯，從坐低到吃完20分鐘未夠. 未吃完就收走曬哋野，不停抹檯係咁叫你走！其實野食都算係咁，不過服務態度就非常惡劣，唔自己反省一下點解生意唔好！想做多幾單生意就咁因小失大！其實野食都算係咁，不過服務態度就非常惡劣，唔自己反省一下點解生意唔好！想做多幾單生意就咁因小失大！茶餐廳黎講態度佢算係最差之一！個老細仲話生意唔好，明年就做唔落去！明年2024再黎，睇下有無呃我！

太古城中心搵食艱難，唯有去屋苑附近餐廳。午餐時段，間間都大排長龍，行下搵下，終於見華昌呢間有位，又記得朋友講過嚟間不錯。點了午市套餐，肉絲芽菜燴伊麵，附送是日例湯。例湯是老火湯，比較水多料少，當水飲都ok ge。肉絲芽菜伊麵頗大碗，扺食。肉絲芽菜夠鑊氣。伊麵軟腍咗些少，吸湯力強。調味方面略為淡口，麻麻哋。至於環境方面，非常嘈吵。

住在太古城超過30年，而華昌亦開業超過30年矣。然而，出品及服務並没有與時並進，反而每况愈下。事缘某天下午與太太進店吃点小吃才晚饭，点了一碟平凡至極的牛肉炒河，誰知端上來的是排骨炒麵，侍應還附加上一句：啊，厨房弄錯了，你不介意吧？也没等我回答，他已经放下並快步離開了。請問我不吃猪肉的又怎樣表達介意啊？這服務態度及出品又如何對得起這塊老招牌啊？

食物水平一般用Apps等候時間應該比起現場order快，但係最後係在現場遲order都俾用apps快，當入到去問男店員關於個order嘅時候，被該名地中海式光頭男店員趕出店舖外邊等候，但當時本身order已準備好放在枱上😡，沒有機會再細看，後來等到後者來現場買外賣嘅都已經提取回家本人再次詢問外賣還沒有先發現本人外賣早已在枱上🤬

食物味道尚算不錯，但是服務員態度有待改善，再者食物份量不算不多，不是太夠飽，另外食物溫度都仍算可以，的湯的溫度及味道也算是不錯，鮮味都算是不錯，之前食過水餃／雲吞都可以，品質不錯。

一般粥粉麵, 幫襯左20多年，質素一般, 不太差，服一直以來都係差,冇禮貌，但係附近只係佢唯一一間正宗粥粉麵. 今次星期六兩點前來熄咗個叉燒燒肉上平年，啲侍應都係同平時一樣咁差，問多句都唔可以. 叉燒同燒肉都好食.

I have never come across a soup is not salty. This is a surprise here!The vegetable meat wanton is very tenacious (though small in size), the chewing feel is very good! No chance of air inside but filled with content….

夥記老細服務態度非常之差， 差到可以講粗口鬧人！問佢點解咁對的客、佢話關人咩事！好肯定佢想趕客！食物質素不予置評， 如果你哋去要諗清楚eq好高，好大機會食到一肚氣，小心

今晚叫網上外賣平台 二人餐，入面有一個金銀蛋白菜仔，啖啖食落去都係沙，所以成盒都食唔到。於是我就打去餐廳同佢反映，點知個叔叔同我講：「我見到佢哋有浸㗎！」，亦都冇講話我用$$買咗哩盒菜但係成盒食唔到，佢作為餐廳有乜嘢方案。所以我決定post上網俾佢睇。叔叔嚟睇吓下面張相，如果你嘅同事真係有浸菜，咁就證明淨係浸係唔夠㗎！

朝早11am陪媽媽嚟食早餐，店舖9成空。落單阿姐好有火氣提示要係個套餐裡點兩樣。於是阿媽點咗炸兩同飲品。阿姐不滿，手指指話呢度揀一樣嗰度揀一樣。好的，就照做點皮蛋瘦肉粥同炸兩。阿姐提高聲線重複指呢度一樣嗰度一樣啊～我地有少少迷惘，見係咁試下點粥同飲品。Bingo～阿姐滿意收貨 👌🏻不過佢繼續吟吟噚噚越嚟越大聲。眼見氣氛有少少尷尬，決定趁佢入單前示意離開搵第二間。收銀阿姐及阿姐組合怒睥送客。雖然心情差人之常情，但就唔太想出錢俾人鬧。😅

食過無數咁多次，但今次特別少少，因為無乜胃口想搵粥食，就諗起華昌乜都有，連周圍都少有嘅粥都有，又可以就埋另一半食其他嘢！平時食華昌，通常係食燒味、雲吞麵、炒粉麵、什至中式餸，今次試下佢啲小食。魚腩粥味道唔錯，啲粥好綿、有4-5舊魚腩，味精唔覺，就算有都唔多！咸肉粽宜家好少地方有粽食，但有少少失望，口感有啲梗，質感好實唔夠鬆軟。蔥花腸粉感覺唔多油，味道正常有口感，份量都算多，醬油分開上，可以按自己喜好而加。

一直光顧，點知越嚟越差！早餐多士，用隔夜面包！炸兩又用隔夜油炸鬼！一陣「油益味」！！通粉超淋！價錢貴，質素差！周邊無相類店，無競爭無進步！仲要越黎越難食！垃圾食物！

食物可以，但現在疫情還未過去，午飯時間，他們必須要食客搭枱，例如4人枱要坐兩枱2人的，而且兩人之間沒有距離，也沒有膠板分開，感覺很危險，莫講1.5距離，0.5也沒有，還是不會去食了。大家也小心點好。

喺附近做完嘢，咁啱經過，見到餐牌，心郁郁想食返個燒味飯坐低嘅時候，可能因為肺炎影響，餐廳好少客，有9成都係吉枱，所以啲侍應都係行行企企，無乜邊個特別忙。當我叫嘢食嘅時候，俾我嘅感覺好差，唔知點解，當時叫咗幾個侍應都十問九唔應，嘴藐藐，個個都唔願做，唔知以為爭佢錢咁！起碼有3個都掉頭走，又扮睇唔到！最後等咗幾分鐘，終於有個侍應行過來。唉，一場入到黎，算！就照嗌嘢食啦！嗌咗碟燒肉飯，點不知，第一啖擺入口就知賴嘢，嘩！痴線㗎咩！咸到呢！！！我真係咁大個人都冇食過一碟咁咸咁難食嘅燒味飯！坦白講，雖然燒味一定會有咸味，但過份咸嘅食物對腎臟真係會有不良嘅影響。認真講，呢間算係我有生之年，其中一間點解服務態度又差，食物又難食嘅鋪頭。希望大家三思。