燒烤堂 (已搬遷) 新店位置

在九如坊既烧烤堂几正，空间感几大！店员态度非常亲切有礼，menu好多串烧，多到花多眼乱！Sapporo生啤买一送一，够冰冻够chill, 非常抵饮，食串烧点可能 without啤酒，叹！餐厅细心位系每样 items都会写用咩风格去整，包括 日，泰，港，川，西，新疆，台 and「堂」，非常加分！桂花蜜糖本地冻蕃茄，非常惊喜既前菜沙律，桂花香甜好自然清新，冰冻既蕃茄透心凉！清爽清甜，食到唔停口，令到胃口大增！黑鱼子蟹肉鳕鱼干，多多蟹肉份量真系估唔到，配上黑鱼子咸鲜感再配蟹肉，成件事好正，鳕鱼干够香脆。柚子鸡腿肉，鸡腿肉keep到juicy, 嫩滑口感！再配上柚子酱更带出味道，味蕾带上冲击。孜然豚肉芫茜卷，非常创作性既串烧， 芫茜嘅香味配豚肉估唔到咁夹，感觉浓香好岩我口味。节瓜波板糖，外型卖相好有趣，儿时回忆番哂黎！味道惹味配上蛋汁，香浓又突出。好香蛋香。蟹膏烧饭团，饭团烧到金黄焦香，表面带有饭焦感！topping再有 creamy绵密既蟹膏，浓郁入味。再夹上即用脆脆紫菜，成条事变到好高质。