山下見日式料理 (已結業)

开头帮衬呢间舖头时正值疫情， 生意好唔乐观， 后来疫情好转，见佢慢慢多番啲客， 之前帮衬过佢啲刺身饭，虽然唔算平不过都几新鲜。今次就试咗佢个吉列猪扒便当。去到舖头见到好多客， 外面仲企咗一堆等外卖嘅同埋等位既。 建议店家喺店舖外摆放一些櫈仔畀大家等外卖，因为啲外卖都出得比较耐， 我今次都等咗半个钟先等到个外卖， 拎到返去，炸猪扒仍然系脆嘅，没有炸得太干，仲有啲前菜同埋面豉汤 ，质素都唔错不过前菜可以多番啲😂， 白饭份量都好够，整体质素唔错