影片
更多
2024-09-03
1382 浏览
庆祝纪念日☺️，太子仔话要食日本和牛🤭，咁啱十侍做紧9折优惠，仲送埋串烧拼盘😍，啱晒我哋河车啦😆之前已经食过呢间十侍，每次上去都坐满人，今次我哋好幸运可以坐厢房，感觉更加似去咗日本😚😚，有点可惜嘅系佢嘅招牌棉花糖寿喜烧冇晒棉花糖🥲，咁就试下餐厅自家制嘅原装寿喜烧汁啦😌二人餐有6块鹿儿岛A5黑毛和牛，有晒证书证明产地，系非常严格嘅品质保证👍🏻👍🏻，另外仲有前菜、疏菜盘、日本兰王蛋、饭或乌冬、甜品，全部包晒都只系$898Order好之后，只需要乖乖地坐喺度等食，店员会慢慢上菜，逐样解释每一款食材，细心咁问每一位客人钟意食几多成熟，然后逐片帮客人烧，整个房间都充满住寿喜烧嘅甜香，未食已经流晒口水🤤日本A5黑毛和牛🥩真系无得输，每一片都带有好均匀嘅油花，吸收晒寿喜烧汁之后再沾一沾兰王蛋，每咬一啖都散发出和牛嘅油香，而且肉质细腻入口即溶，每次食都觉得一试难忘、回味无穷😋蔬菜盘亦都非常丰富，有蟹柳、杂菌、京葱、豆腐、腐皮等等，店员会负责将整份蔬菜盘铺排有序地放上窝度等佢慢慢煮，食到咁上下可以加埋乌冬落去煮，非常完美嘅二人餐💕今次适逢餐厅做优惠，送咗个串烧拼盘，包括有牛舌、黑豚肉、鸡肉、芝士甜蕃薯，特
之前已经食过呢间十侍，每次上去都坐满人，今次我哋好幸运可以坐厢房，感觉更加似去咗日本😚😚，有点可惜嘅系佢嘅招牌棉花糖寿喜烧冇晒棉花糖🥲，咁就试下餐厅自家制嘅原装寿喜烧汁啦😌
二人餐有6块鹿儿岛A5黑毛和牛，有晒证书证明产地，系非常严格嘅品质保证👍🏻👍🏻，另外仲有前菜、疏菜盘、日本兰王蛋、饭或乌冬、甜品，全部包晒都只系$898
Order好之后，只需要乖乖地坐喺度等食，店员会慢慢上菜，逐样解释每一款食材，细心咁问每一位客人钟意食几多成熟，然后逐片帮客人烧，整个房间都充满住寿喜烧嘅甜香，未食已经流晒口水🤤
日本A5黑毛和牛🥩真系无得输，每一片都带有好均匀嘅油花，吸收晒寿喜烧汁之后再沾一沾兰王蛋，每咬一啖都散发出和牛嘅油香，而且肉质细腻入口即溶，每次食都觉得一试难忘、回味无穷😋
蔬菜盘亦都非常丰富，有蟹柳、杂菌、京葱、豆腐、腐皮等等，店员会负责将整份蔬菜盘铺排有序地放上窝度等佢慢慢煮，食到咁上下可以加埋乌冬落去煮，非常完美嘅二人餐💕
今次适逢餐厅做优惠，送咗个串烧拼盘，包括有牛舌、黑豚肉、鸡肉、芝士甜蕃薯，特别要赞个牛舌，爽口唔靭，少少盐调下味就已经好好食😋，下次要再食😚😚
整体来讲无论环境、食材、服务都非常一流，经理仲会不时同客人倾计了解客人需要，好有亲切感，性价比极高，好快就想再去食😆😆😆
张贴
