影片
港铁旺角站 E2 出口, 步行约4分钟
继续阅读
电话号码
28700618
开饭介绍
寿喜烧专门店以高质的鹿儿岛A5和牛作招徕，肉片蘸上兰王蛋蛋浆倍添滋味。而制作寿喜烧时会加入一大球棉花糖，加上餐厅以武侍图案及日式灯笼装饰墙身，不论食物及环境都打卡一流。
继续阅读
附加资料
專營日本鹿兒島A5和牛壽喜燒，串燒，炸物和日式 cocktail
营业时间
今日营业
16:00 - 00:00
星期一
全日休息
星期二至四
16:00 - 00:00
星期五至日
12:00 - 00:00
公众假期
12:00 - 00:00
*逢星期一休息 (公眾假期除外)
以上资料只供参考，请与餐厅确认详情
有关奖赏计划
相关文章
位於旺角呢間牛壽喜燒專門店一直都想食好耐㗎啦，呢到最大嘅特色就係用自家製嘅棉花糖加埋壽喜燒汁去整成一個獨一無二嘅自家製壽喜燒醬汁，真係超爆吸引啊～壽喜燒二人前💰HK$898落完order冇幾耐之後，店員就會幫忙準備壽喜燒鍋，首先會將壽喜燒汁倒落去自家製棉花糖到，棉花糖會立刻溶化，將棉花糖同壽喜燒汁攪拌至均勻，就會開始幫助將黑毛和牛逐片逐片煮熟，再放到碗入面！真係任何人都完全唔需要擔心自己會煮衰咗啲靚靚牛肉啊～✨前菜擺盤精緻有大根同埋南瓜～✨日本蘭王雞蛋最適合就係用來點牛肉，令肉質入口更順滑柔軟，更豐富多汁！店員仲推薦中可以將用唔晒嘅蘭王雞蛋倒落去壽喜燒鍋入邊同其他材料一齊煮，湯汁嘅味道會更香甜～✨鹿兒島A5黑毛和牛西冷肉眼每一片黑毛和牛都呈淡粉紅色，遍佈住好似大理石一樣均勻嘅紋理，賣相極其誘人🤤黑毛和牛西冷肉眼本身已經肉質細膩，而且極具濃郁嘅牛肉香氣，非常之馥郁芬芳！點知將啲用壽喜燒汁煮過嘅京蔥夾埋去牛肉中間一齊食會更加突顯和牛嘅香味，完全係將牛肉嘅層次再昇華咗，令人一試難忘～✨季節野菜盛盒有京蔥、燒豆腐、腐皮、娃娃菜、蟹棒、菇類等等，賣相色彩豐富，全部材料全部都好入味，每款都充滿住濃濃嘅日式壽喜燒風味～✨讚岐烏冬烏冬係偏幼身果一種，口感煙韌有嚼勁，掛汁能力亦好高，吸收晒壽喜燒汁嘅精華～✨自家整柚子味雪糕味道唔會太甜，口感幼滑，仲有少量柚子粒粒，比人一種好清新嘅感覺～
继续阅读
今日朋友請我食好西，去左「十侍」，出名食和牛壽喜燒，迫不及待想去試下一入門口就見到「侍者」，差啲嚇親環境非常好有日式加酒吧既feel，燈光柔和舒適又放鬆菜單當然主打A5和牛壽喜燒，可以叫套餐再加小食，另外亦有好多款唔同sake同cocktails一坐低已經有小食同茶，好細心，係蘿蔔同南瓜，味道都唔差呢到用鹿兒島A5和牛，見到啲花紋都覺得好靚，色澤鮮艷，油花分布均勻，一眼就感受到佢高品質，即時垂涎三尺！staff會係桌邊現場製作壽喜燒，整完配埋啲日本蛋液一齊食口感更加順滑，肉味勁出，可以感受到牛肉係口中融化，甜甜地好出色，真係人間美味，不由自主地想再瘋狂食除了和牛，套餐仲有豆腐、蘑菇同新鮮蔬菜，全部食材都吸收晒湯底壽喜燒精華，食落勁鮮甜最後仲有烏冬，同樣吸收晒啲汁，彈牙又好食，食到完全停唔到口，最後抱住個肚走！
继续阅读
生活需要一點儀式感！閨蜜生日，普通壽喜燒或涮涮鍋都食過，今日帶佢試新野，就係期待已久的棉花糖壽喜燒😍 餐廳有高級居酒屋的感覺，環境舒服有格調，最喜歡一入門口的特色燈籠擺設🤩棉花糖同壽喜燒原來係個perfect match 嘅組合，棉花糖可以提升壽喜燒汁嘅香味，中和返個味道，避免壽喜燒過鹹架😆✨十侍棉花糖鹿兒島A5和牛壽喜燒 $898✨十侍 棉花糖鹿兒島A5 和牛肉眼約360g季節野菜盛合自家製壽喜燒醬汁日本蘭王雞蛋手打稻庭烏冬首先將棉花糖放喺鍋入面，慢慢淋上壽喜燒汁，睇住啲棉菓子快速融化成醬汁，超級治癒啊🥰配上十侍鹿兒島A5和牛，細膩嘅油花分佈，入口即融，唔夠仲可以追加‼️食完和牛，仲有一大盆新鮮季節野菜，最後食埋手打稻庭烏冬同埋雪糕，呢個壽喜燒餐CP值超高，真係大滿足呀😋餐廳仲有串燒，精緻的雞尾酒以及多款日式威士忌、Gin 、燒酌和清酒🍶 叫左幾串串燒，必食推介有牛舌，選用牛舌心，超嫩又juicy，一定要試啊！食串燒點少得飲酒😆 叫咗兩杯Cocktail 青之海和熱情林檎，又靚又好飲！
继续阅读
下年先有得飛日本，急不及待同朋友仔去咗旺角呢間人氣棉花糖壽喜燒餐廳，一入餐廳就見到個超大武士像，好有氣勢！和牛質素超高，全程有人服侍，可以解放雙手好爽呀！🐮鹿兒烏黑毛和牛A5 二人前壽喜燒 $898套餐有🐮A5鹿兒島黑毛和牛西冷肉眼6塊、🥬季節野菜盛合、🍜手打稻庭烏冬、🐣2隻日本蘭王雞蛋店員會先喺棉花糖機製作棉花糖，再將棉花糖放入鍋，再加入壽喜燒醬汁煮京葱，之後就係主角A5鹿兒島黑毛和牛西冷肉眼！我哋揀左和牛5成熟，霜降分佈均勻，肉質有彈力，口感有咬勁，每一口都擁有濃郁的牛肉香氣，肉質嫩而多汁，再蘸埋日本蘭王雞蛋，回味無窮！煮晒和牛之後，再加湯煮野菜盛合同烏冬，有豆腐、娃娃菜、冬菇、蟹棒等，配料同烏冬索哂壽喜燒湯嘅精華，超入味好食！除咗食壽喜燒仲標咗幾串串燒，有牛舌、雞橫膈膜、秋葵、南瓜和冬菇. 串燒放係炭爐上面保溫，上枱傳來陣陣炭香味，特別推介牛舌，爽彈有口感！叫咗兩杯Cocktail ，青之海有菠蘿汁，飲落好清新！另外一杯熱情林檎，薑汁加上蘋果熱情果，鍾意薑味嘅朋友一定要試試！
继续阅读
女朋友好中意食壽喜燒，今日生日特登搵間靚靚壽喜燒餐廳同佢一齊食呢間係樓上鋪，一出lift就見到大大個logo十侍，好搞笑係隻牛，唔通等比我地食？入面成個環境都好靚，用左黑色做主調令人覺得好high class二人餐既壽喜燒都唔會話好貴，仲有多款特色cocktails同額外追外既食品，任君選擇一埋枱就有前菜食，有熱茶飲，服務好好先食啲串燒過下口癮，估唔到呢到啲串燒同樣出色，特別係牛舌勁爽口入味，仲有雞橫隔膜呢啲平時出面食唔到既，第一次食原來都好彈牙呢到採用鹿兒島A5和牛，有埋證書無花無假，睇見都食指大動呢間「十侍」特別之處在於佢唔係純粹加砂糖整壽喜燒，係先製成棉花糖，再係我地面前熔左佢，大家過黎拍片勁打卡able全程唔洗自己動手，staff會幫我地整埋，加埋日本蛋一齊食勁出色，和牛基本上係入口即熔，就算無牙都食到！牛味亦好出，加埋啲壽喜燒汁甜甜地，勁好味真係食極都覺得唔夠喉除左和牛呢個套餐仲有烏冬同雜菜，同樣唔係自己煮，坐定定等食就得。啲配料同烏冬索滿晒壽喜燒，勁好食！最後仲有柚子雪糕作結，唔會好甜柚子味濃，仲有真係一粒粒柚子肉食到！
继续阅读