日作食堂

营业中

休息中

日作食堂好有日系校园既感觉，小清新装修好好睇。食物味道卖相都非常唔错，距离地铁站都系五分钟路程，观塘是靓午又多一个选择😍我同朋友分别叫咗猪扒定食同吞拿鱼丼，另外叫咗焦糖明太子玉子烧。❣️和风厚切吉列豚肉眼扒定食猪扒炸得酥脆，上台仲热辣辣，肉质松软又有豚肉香味👍配埋酸甜口既炸猪扒汁，非常有和风既感觉✨定食包埋两款小食同面豉汤，我额外加咗份温泉蛋。面豉汤里面有大大只蚬，好好饮，定食既芽菜都比想像好食，非常唔错👍就咁望以为唔算好大份，食到一半发现真系好饱肚，完全食唔晒😂❣️吞拿鱼四色丼吞拿鱼四色丼真系好吸引，睇落劲新鲜肥美🥹最好味一定系大拖，入口即化，油脂丰富鱼味劲香，可能因为够新鲜，食落完全唔腻。吞拿鱼蓉用黎送饭一流❤️❣️焦糖明太子玉子烧听个名都觉得好食，食落果然都冇令人失望😚玉子烧非常嫩滑，又好有蛋香味。表面一层薄脆焦糖，令口感味道都更丰富，明太子沙律酱都好夹，如果再多啲明太子味就更好了。