隨變火鍋

营业中

休息中

上星期同家人番咗大陆食咗d好好味嘅手打丸，番嚟香港好挂住，即刻去打边炉。今日同老公专登来呢间望到少少海景嘅火锅店食餐好。见到隔离枱个冬瓜锅望落去好吸引，大家同意之后点左个金华火腿瑶柱冬瓜锅，好足料，好多干瑶柱同埋火腿，汤清甜又浓郁。冬瓜煲一阵煲到腍身少少，店员会帮手切开冬瓜。打边炉点咗滑牛肉、四宝丸拼盘、四宝饺拼盘同成都川粉。滑牛肉份量都几多，厚薄均匀，渌一渌入口好滑有牛味。四宝丸拼盘四宝丸有牛丸、芋泥贡丸、芝心墨鱼丸同黑松露虾丸，好大粒，食落都好弹牙。芋泥贡丸好有惊喜，芝心墨鱼丸咸香爆浆。四宝饺拼盘四宝饺有韭菜饺，凤城水饺，鲜虾云吞同埋鱼皮饺。自家制，每款都皮薄，d馅料都好足好鲜，感觉良好。成都川粉川粉幼身，口感Q弹滑滑，吸满鲜甜既冬瓜汤，十分之好味。下次可以多啲人一齐来再点更加多既食物再食过。