千樂燒味餐室 (已結業)

2个人出开铜锣湾买野，路过见到烧腊舖门面光鲜，入面又几整洁，就入咗去食饭医肚啦。点咗嘅双拼嘅叉烧拼烧鹅，份量都好大碟，够2个人share嚟食。加了一碟油菜同埋2碗白饭，啱啱好。叉烧口感软腍，唔会韧又唔会干，有蜜汁香味，带出少少焦香味道，有半肥瘦味道，不过就无咁多脂肪，食多几旧都冇乜罪恶感。烧鹅烧得好香，唔知有无用荔枝柴啦，我就唔系好识分，但系味道就好甘香，见到皮上面嘅烧烤纹就知道个皮系烧得好香脆，一咬即刻满口油香，鹅肉尚算嫩，咬落唔会好韧。呢度烧味质素真系唔错，有机会再去铜锣湾就斩料返屋企加𩠌。