Shine (已結業)

对于识叹之人，选择餐厅嘅要求已经唔再只系局限于食物味道，好嘅环境之下享用美食都系一样咁重要。而我当然系以呢样为大前提去帮朋友选择一个庆祝生日嘅好地方。今次book咗一间楼上西式餐厅"Shine"，我地一行六人虽然早到少少，但系店员都好好招呼，见有位都俾我地提早入座。店内装潢别具一格，霓虹灯管配合美式嘅设计风格，营造出一种高级而又令人轻松嘅气氛，卡位落地玻璃窗更加可以望到尖沙咀嘅街景。个人最推荐嘅特色饮品系荔枝玫瑰梳打同苹果蜜桃冰茶，果味清香，又唔会太甜，食浓味西餐最适合配搭清爽水果饮品。Appetizer拣咗脆炸粗直薯条配三重芝士酱同埋火辣辣鸡翼。薯条外脆内软，炸得啱啱好，唔会过㶶又唔会太油，三重芝士酱调配得唔错，香滑得嚟唔会结成块状至于火辣辣鸡翼就稍为太重口味，虽然个人爱好红椒粉香料够惹味，但系调味太重手，比较稍色。Pasta就选择咗黑松露大啡菇意大利饭同辣蟹肉彩椒阔条面。个人诚意推介黑松露大啡菇意大利饭，黑松露酱汁香滑浓郁，饭粒质感唔会太硬，配搭我至爱嘅火箭菜简直系一流。而辣蟹肉彩椒阔条面同样出色，虽然稍为干咗少少，但系啖啖都食到鲜甜蟹肉。最后Main Course就系脆炸德国咸猪