Playa de Papagayo (已結業)

是日午餐同同事黎到近尖东既呢间餐厅食西班牙菜，场内环境较阴暗但环境相当舒适，平日午市时段冇咁多人都唔会太逼同嘈。午市set lunch除左餐包仲会跟呢个semi buffet，食物选择都几丰富，除左唔同类型既汤、沙津、生虾、火腿外，更有唔同既水果提供，饭前后食都相当唔错。唯一不足系个人认为当中既栗米汤有些少过咸既情况。黎到主菜我就叫左份樱花虾番茄意粉，酱汁好够味，而面质食落口感都唔错。另外其他同事就点左各种扒类、煎三文鱼、西班牙海鲜饭同pizza等，食物既卖相都唔错。总括以正式少少地食餐午饭黎讲，呢度既环境配合价钱都尚算合理，可以值得一试。