影片
港铁尖沙咀/尖東站 B2出口
继续阅读
营业时间
星期一至日
12:00 - 01:00
以上资料只供参考，请与餐厅确认详情
食家推介
今天平安夜, 我公司好好, 不用上班。 多一日假期, 決定跟家人食一過豐富又悠閒嘅午餐。天文台道嘅 Papagayo, 平時經過已經好想幫襯, 呢度地方好大, 裝修又靚, 有一種旺中帶靜, 都市綠洲嘅感覺。確實係尖沙咀食飯、朋友聚會、飲下嘢嘅一個很好嘅選擇。好好彩, 一入到去就有一張全店最好嘅枱坐, 有梳化, 地方寬敞, 坐得舒服。估唔到臨近大節, 都仍然有普通嘅午餐, 而且睇落唔錯添, 所以我哋叫咗兩個lunch sets, 然後再加兩份 a la carte 嘅食物。Set lunch 嘅餐湯、沙律菜、巴馬火腿、水果, 係自助任攞, 種類都幾充足, 食到三點都鐘都仲會添加。雜菜湯好好味。餐包夠熱, 配上非常好味嘅香草牛油, 簡直係絕配。<西班牙海鮮飯> 用了足, 味道夠。蝦夠又大隻, 又爽甜。<香草汁鱸魚柳併薯菜沙律> 香煎鱸魚柳美味非常, 肉質實在, 有口感, 似石班扒。香草汁味道清新特別。 配菜中嘅薯仔好好味。<香煎鵝肝安格斯免治漢堡併薯條> 鵝肝好厚身, 烹調時間啱啱好, 配上新鮮番茄汁蔬菜, 感覺唔會太油膩。免治牛肉份量少咗啲, 及生咗啲。薯條好好味。<八味吐司> 一個好特別嘅菜式, 可以品嘗都好幾種西班牙嘅小食, 配以麵包。
继续阅读
臨近聖誕節外出午餐 ,揀了一間有聖誕氣氛的餐廳 ,位於天文台到的露天西班牙餐廳。內裏裝修Weekend Brunch多選擇自助吧食物一啲都唔輸蝕，有沙律，生果，青口蝦，ham..唔係講笑，飽咗一半了未完， 繼續食主菜嚟喇！ 原隻麵包蟹焗飯(龍蝦汁)色澤不用講已經很吸引， 香噴噴。非常Juicy 的蟹肉飯深海銀鱈魚配安康魚肝露一點也不馬虎的煎銀鱈魚隨餐跟咖啡星期六想跟三五知己喺露天茶座慢慢傾計談天說地，實在是不二之選。
继续阅读
今天相約朋友到Papagayo吃飯，這是我第二次來這間餐廳吃飯了。還記得第一次來的時候，對這個餐廳的印象也不錯。餐牌上有很多食物選擇，我們都花多眼亂！朋友對於「西班牙小油條配朱古力醬」極為心動！但當準備好下單時，職員說已經售完了😱此時，另一位職員過來跟我們說因為今天的朱古力醬不是很好，所以我們決定不出售了，我們還想把最好的給我們的客戶。其實我蠻欣賞他對食物的執著，那麼我們下回再來吃吧😌最後，我們點了「脆炸香料薯條」$68、「四式芝士薄餅」$128、「滋味拼盤」$188、「Virgin mojito」$58、「Parrot」$58。先來到的是我們兩杯飲料，Parrot是由紅莓荔枝蘋果造成，一飲落口，是滿滿的荔枝味道，味道不會很甜，口感很清新。四式芝士薄餅，餅底比較偏向軟身，四式芝士的芝士味極為香濃！滋味拼盤，有數種小食，當中我蠻欣賞的是慢煮鮑魚，口感清爽，肉汁鮮甜，醬汁帶點辣，像吃刺身一樣的感覺！脆炸香料薯條，薯條的份量蠻多的，香脆可口，熱度足夠。總括而言，對於晚飯的食物質素，員工的服務態度都極為欣賞，會推介朋友來吃的！期待下次可以吃到西班牙小油條啦！🥰
继续阅读
平時間唔中都會黎食Lunch, 今次做完野咁啱下午茶時段, 喺尖沙咀又唔想食茶記, 就黎Tea一Tea~其實尖沙咀有兩間, 我多數會去天文臺道呢間, 可以揀室外或者室內坐, 呢日室外坐滿人, 我就揀咗入室內坐。Tea set有小食, 意粉飯或者甜品都有, 我午餐都未食好肚餓, 所以揀咗龍蝦汁大蝦長通粉。可能室內無乜人又唔嘈, 坐得舒服聽住音樂等野食👍 黎到首先見到擺盤唔錯, 3隻大蝦即時聞到好香, 食落新鮮彈牙, 肚餓既我好快就清咗碟。 如果唔趕時間, 喺呢度坐下同朋友傾下計, 或者自己一個優閒地嘆個下午茶係不錯既選擇💕
继续阅读
因為朋友移民外國幾年,難得佢返香港,所以想搵間坐得舒服,唔係好嘈和唔係好多人的餐廳,讓我們可以慢慢談天說地!!腦裡突然想起曾經行街經過這間西班牙餐廳,完全符合了我的要求,所以立即約朋友當晚見!!餐廳位於天文臺道,距離熱鬧的街道較遠,外面放了幾張枱,因為街上不算好多人,所以坐室外都幾舒服,室內裝修得很有格調,一邊吧枱一邊餐枱,燈光暗暗地幾有氣氛!!我們打開餐牌,選擇真係好多,因為我們都未食過西班牙菜,所以每樣都好想試,可惜我們又唔係大食,所以最後決定選擇了<烤焗香辣豬小脾>, <三重迷你漢堡>, <西班牙紅花海鮮飯><烤焗香辣豬小脾> 雖然個名叫豬小脾,但一點都不小啊!!配上微微香辣醬汁烤焗,香氣撲鼻,肉質沒有因為烤焗而變得過乾,反而嫩滑又多汁,非常惹味!!<三重迷你漢堡> 迷你漢堡雖然細細個,但份量不會輸給正常漢堡!一共3種口味,包括牛肉,海鮮和豚肉!!牛肉漢堡的牛肉厚身又多汁,牛味濃郁!!加上濃濃的芝士,十分好味!!豚肉漢堡的豚肉炸得外脆內軟,配合菜和番茄中和了炸豚肉的滯膩感!海鮮漢堡的餡料係蜆肉,墨魚和青口,意想不到地三種海鮮味道很夾!!配上醬汁更加好味道!!<西班牙紅花海鮮飯> 有大大隻又新鮮的大蝦,青口,蜆肉,墨魚等海鮮放滿整個飯!配搭紅花香料的特別味道,令人胃口大開!!飯粒軟硬適中,粒粒分明有口感!!好味到真的不能錯過!!整體來講,餐廳環境和食物都十分出色!!下次我要坐室外位置感受一下另一番風味!!
继续阅读