L'AMOUR (已易手) 新餐厅

喺网上平台度见到兰桂坊Lamour呢一个生蚝任食觉得好扺，所以就去咗试，估唔到佢除咗生蚝任食一样嘢吸引之外，佢个西餐其他嘢食都好好食。先讲吓环境，佢𠮶度坐得真系好舒服，有一个自动弹嘅钢琴一路播音乐，后边仲有一朵大花可以俾人打卡。而且餐厅服务都好好，人手又够足，服务都好周到。我哋叫𠮶个二人餐，佢嘅餐包牛油系放喺牛骨碎里面仲有少少松露味配埋餐包食，简直一流。是日沙律啲沙律菜都好新鲜。然后佢嘅日餐汤𠮶一晚系南瓜汤成个南瓜汤味好浓, 好creamy。 而家讲吓主角生蚝，佢有三款生蚝俾我哋食，包括日本宫城生豪，法国诺曼第生蚝同澳洲芬湾生蚝，我自己觉得日本生蚝系最好食因为佢较大只肉质够厚，带少少海水味，而且蚝味够浓，法国生蚝就比较淡厚啲，而澳洲湾山河虽然细只，但系个海水味系最重嘅。Pasta我哋叫咗龙虾意大利面个龙虾汁好香浓，俾啲意粉索晒超好食，而且最surprise我嘅系佢个龙虾竟然有半只份量好足。我好满意佢系成个餐所有嘢都系每人一份份量好足。而main course，我哋分别叫咗慢煮西班牙黑毛猪鞍同干式纽西兰熟成法式羊仔架。佢个黑毛猪真系超好食，肉质够厚身又腍完全唔硬。至于佢个羊仔架就更加好味