名捌月 (已結業)

今日约左朋友喺荃湾见面，咁顺便都喺荃湾揾食，咁喺路德围附近揾到呢间名捌月，正正就喺南丰中心天桥一落就到。餐厅面积唔算大，但装修都唔错，行比较年轻既路线。咁我同朋友就点左一份三文鱼扒拼元贝同一份松叶蟹肉蟹膏饭，再加配套餐。餐汤我地选择左龙虾汤，都好饮既，味道好浓，龙虾肉都好多。咁主菜方面，我既三文鱼扒份量非常大又厚。食落肉质肉质嫩滑仲配有煎完既香味，鱼皮亦煎得脆脆的。元贝就大大粒，都食得岀元贝应有既鲜甜味。配菜方面，有南瓜蓉，小甜薯同埋比较少见扁长形既薯条。而朋友既蟹肉蟹膏炒饭我就试左一啖，蟹肉份量都多，汁酱都非常足够，每一粒饭都有蟹膏汁，非常鲜甜，都系高质既。餐饮方面我就选择左平时少见到既苹果蜜黎试下，都几惊喜，因为佢唔单止有苹果味，仲有啲苹果粒添。