影片
更多
2023-03-09
5761 浏览
2023年2月22日 星期三太耐无打边炉，所以今晚收工之后就拉埋老婆一齐去旺角呢一间渌鼎记食返够本餐厅喺创兴广场5楼，开咗张几个月，之前净系试过观塘分店，酸菜鱼简直冇得弹，今次一于打埋边炉，睇吓评价如何原来任食边炉之前，首先需要挑选主菜六选一，食完先可以任打边炉，𠮶六款主菜都好吸引，其中包括重庆鸡煲、老坛酸菜鱼、枝竹黑山羊腩煲等等，今次我哋就试咗椰子鸡煲，因为呢一排老婆唔太食得辣，而任食套餐都有分为小宝套餐同堂主套餐，同样地可以120分钟火锅放题任食，唯一嘅分别在于堂主套餐可以任食埋海鲜，不过我哋怕食唔晒，所以今次净系叫咗小宝套餐入到去发现地方好大，净系酱料区都有咁多款，连蒜蓉都有分新鲜蒜蓉同炸蒜，甚至仲有花生碎、黄椒酱同腐乳可以拣，可以点样捞制自己嘅酱料都得同样地饮品区都有好多个冻柜摆满饮品，除咗一般火锅餐厅都有提供嘅饮品之外，仲有自家制饮品，包括竹蔗茅根、洛神花样同绿妍茉莉茶等，当中我要左竹蔗茅根，里面落足料真系有竹蔗茅根，而且味道唔算太甜，饮完之后好解渴等待椰子鸡来到期间，店员送上前菜四小碟，有花生、云耳、鸡翼尖同鸡脚，个人最钟意鸡脚，因为已经起晒骨，而且配埋酱汁酸酸辣辣咁几开胃
太耐无打边炉，所以今晚收工之后就拉埋老婆一齐去旺角呢一间渌鼎记食返够本
餐厅喺创兴广场5楼，开咗张几个月，之前净系试过观塘分店，酸菜鱼简直冇得弹，今次一于打埋边炉，睇吓评价如何
原来任食边炉之前，首先需要挑选主菜六选一，食完先可以任打边炉，𠮶六款主菜都好吸引，其中包括重庆鸡煲、老坛酸菜鱼、枝竹黑山羊腩煲等等，今次我哋就试咗椰子鸡煲，因为呢一排老婆唔太食得辣，而任食套餐都有分为小宝套餐同堂主套餐，同样地可以120分钟火锅放题任食，唯一嘅分别在于堂主套餐可以任食埋海鲜，不过我哋怕食唔晒，所以今次净系叫咗小宝套餐
入到去发现地方好大，净系酱料区都有咁多款，连蒜蓉都有分新鲜蒜蓉同炸蒜，甚至仲有花生碎、黄椒酱同腐乳可以拣，可以点样捞制自己嘅酱料都得
同样地饮品区都有好多个冻柜摆满饮品，除咗一般火锅餐厅都有提供嘅饮品之外，仲有自家制饮品，包括竹蔗茅根、洛神花样同绿妍茉莉茶等，当中我要左竹蔗茅根，里面落足料真系有竹蔗茅根，而且味道唔算太甜，饮完之后好解渴
等待椰子鸡来到期间，店员送上前菜四小碟，有花生、云耳、鸡翼尖同鸡脚，个人最钟意鸡脚，因为已经起晒骨，而且配埋酱汁酸酸辣辣咁几开胃
除咗可以扫QR code落单点肉之外，仲可以出黎夹野食，呢到每一款食物都用左胶盒盖住，够晒卫生，唔怕食物变坏同整污糟
等左一阵间椰子鸡煲终于送到，无谂过鸡件会有半只鸡既份量，每一旧都无乜脂肪，所以放落去个汤度，汤底都唔会好油，而且汤底放咗好多椰肉，愈煮椰香味就愈重，大约煮左10分钟左右鸡肉就熟晒，肉质嫩滑，又有椰味，甜甜地几好食
最后特别推荐打边炉必食既牛肉，有安格斯肥牛同牛板腱，肥牛比较多脂肪，所以肉质较腍，而牛板腱就肉味较浓同有咬口，各有特色，仲可以任点，最后我哋两个人食咗八碟
张贴
