養心殿台式養生鍋 (已結業)

近来越嚟越多人话食过养心殿，朋友推介即管去睇吓佢咩料。Book咗尖沙咀分店，原来正正就系经典Why Club旧址。入到去餐厅，发现同一般火锅格局已经唔同，走古代风格。不过食嘢装潢都系其次，食材先最重要，睇睇汤底同餐单，无论食材定汤底都特别。选了麻辣拼美人锅。汤底非常足料，美人锅汤底非常好饮，只原只乌鸡d肉都可以食。由于得两丁友关系，丸类拼盘每样两粒刚好。每粒材料都好独特（详情见上面餐单六款丸类），非坊间一般火锅店能食到。打边炉牛肉一定系重点，雪花肥牛，牛肉味浓。食麻辣嘅 油炸鬼一定要试，效果比响铃好，重点系浸完都仲脆！仲有必食推介，麻辣牛肉饺同宽粉条。海鲜方面，由于人少，只点了蛏子，但极新鲜，$48/只 价钱合理。总结：始终一分钱一分货，如果求食平DD，为咗果腹充饥，唔会推荐你嚟。但对于追求食物质素嘅朋友，非试不可，食完一定会再返嚟食。埋单两条友食咗大概8旧几，但绝对物超所值。