亞古鍋 (已結業)

打边炉真系可列为全年活动呀，只要系有冷气几热都想打个边炉😆 平时我都好中意黎登龙街哩头食饭，觉得好多间餐厅环境靓之余野食都好有质素。哩间打边炉系第一次试，睇中佢哩度招牌花胶汤底。招牌亚古锅 $388哩个汤底真系好名贵，有花胶、螺头、瑶柱、虫草花等，个汤底系金黄奶白色，店员介绍我地饮左汤先再加汤打边炉，梗系要细味一下啖靓汤啦。近镜一下真系几大块花胶嫁，女士们恩物呀，美颜嫁！白膳片 $78 / 北海道走地鸡 $188白膳片好新鲜呀，摆落锅录两录好快食得，好爽口呀，完全冇骨！走地鸡肉质好爽，好有鸡味，正！四合丸 $88 / 豚肉韮菜饺 $58四合丸系四款唔同口味既，有墨鱼、虾、猪肉、金腿茸、一次过试晒好正！水饺好足料，皮好薄但唔易穿，一咬开肉汁流出，美味。骟牯三宝 $688有3个几特别牛既部位食到，我净系听过牛颈脊，另外既边抓同腩包第一次听😂 三个部位我比教中意食牛颈脊，爽口重牛味，腩包脂肪分布最多，好林。哩度既牛都系好新鲜嫁，其实款款都系新鲜！食完哩餐好饱，非常满足，而且哩度既服务态度都好好！