RBTea

营业中

休息中

朋友极力推介黎呢间餐厅，竟然平日的下午茶时间都会咁多食客。 朋友点左香草忌廉三文鱼意粉配热柠茶。朋友推介我点正价饮品，再以优惠价点下午茶。结果我就拣左玫瑰荔枝椰果红茶配香肠西兰花芝士薄脆。香肠西兰花芝士薄脆:热辣辣香脆可口嘅薄脆有六片，脆到好似食紧薯片咁，真系够晒薄而脆。薄脆面放左好多芝士，芝士味浓，食落似食pizza 咁，啖啖芝士，份量恰到好处，唔会食到好漏咁。薄脆馅有西兰花，平时西兰花好少出现系pizza ，都几新奇，西兰花味较淡。蕃茄酱落得比较少，所以茄汁味唔浓，薄脆就更干身了。香肠唔会好咸，因茄汁唔多，咸味就刚刚好，而每片薄脆都有一片仔嘅香肠。香草忌廉三文鱼意粉:意粉煮得刚刚好够弹牙，忌廉汁都几creamy，大大片烟三文鱼系面，配埋香草，令成个意粉好有色彩。烟三文鱼都OK，少少咸。啲香草就似火箭菜，食落好香口。玫瑰荔枝椰果红茶:茶成壸上，大大壸，同朋友系度倾计可以慢慢饮。下午茶就系悠闲，最啱饮玫瑰花，够晒 relax。荔枝味都几浓，配埋几粒椰果，不过椰果就食唔到味了。呢间餐厅算系旺区嘅绿洲，最啱倾计、休息。