RBTea

营业中

休息中

餐廳位於彌敦道750號始創中心2樓232號舖步進來，一遍綠油油的青葱環境，感覺很舒服輕鬆。用QR自助點餐，可以發給正在趕來的朋友先手機下單。點了紐西蘭黑安格斯牛排餐，5成熟，配菜（薯角、茄子、脆肉瓜、蕃茄仔）很惹味，如果牛根少一點會更好；加$48就有餐湯、餐飲（招牌水果茶$58）、沙律、甜品，超值！服務員效率超高，收拾碗碟迅速。

不嬲都有幫襯，鍾意佢性價比高，都幾抵食😁裝修完之後宜家仲好乾淨好靚😁今晚我地4個人點咗日式咖喱炸豬扒飯，三文魚螺絲粉，安格斯牛扒配薯角等等... 餐真係好抵食，有湯，沙律，仲有大大壺水果茶，同甜品😋會再帶朋友嚟食！❤️

無意間路經‘’始創中心‘’，發現這間環境簡潔，好有綠色花園感覺之餐廳，入去座下，這刻真有種令人放鬆心情，查看餐牌是有各種簡約西餐及下午茶，我點了一杯蘆薈檸檬茶及薄脆 ，味道很好， 這刻讓我慢慢享受 美好環境及食物時刻。

3/4/2025 我同朋友到太子逛街搵食，嚟到始創中心，見到這餐廳，環境舒服，－於入去試試。侍應好快招呼我哋入座，隨而用QR Code 落單後。朋友揀咗一個set lunch，雞扒飯，追加餐湯及沙律，配以凍檸茶。雞扒飯有蛋有配菜伴碟，雞扒香口，雜菇及雜菜煮得入味😋。我叫了一客燒汁䐁肉飯，味道適中，配菜中的茄子🍆煮得恰到好處，不油膩，好喜歡燒汁豚肉，整體份量都多，美味。飲品我叫了凍蜜桃茶，大大杯，又多果肉。餐廳以綠色裝飾，有田園感覺，優雅寧靜，漫活享受美食。

飲品冇得輸，午餐勁抵食，個個星期唔同款 。甜品勁出色大佬落去。日式空間超治愈！必試岩鹽芝士飲品，苦甜平衡絕配。嘩牧羊綿密奶泡入口如絲綢。百元嘆精品咖啡，快來試試 。

- 呢間野啲食物質素好普通，叫左個豚肉飯，食食下發現左條唔應該出現係呢個飯到既條物，同個經理講，佢話係啲油係面既香草，我就覺得奇奇怪怪咁。- 服務員要叫幾聲先應，企左係門口好耐先有人帶位。服務費方面，唔知佢地服務左我啲咩，水都無杯，唔明佢憑乜野收加一。- 到食完埋單，以為係比返食物價錢再加一，咁我就準備好散紙，找少啲，點知話一句話唔收毫子，就強行收我齊頭，真係好無奈，以後唔會幫襯。👎🏻👎🏻👎🏻👎🏻

晚飯時間在太子/旺角中間想簡單食個意粉，入咗去始創中心覓食，所以見到呢間餐廳就入去。當日週末晚間咁大間餐廳都只係坐咗幾枱客。餐牌上選擇都幾多。套餐價格不菲，相較之下單點一碟意粉$100左右，價格比較合理，不過就無飲品。我叫咗份鮮茄煙三文魚螺絲粉，茄醬係非常普通嘅茄膏+茄汁+少少鮮茄味嘅意粉汁，我覺得有少少水汪汪(尤其螺絲粉都比較藏水)；螺絲粉都似係預先煮定再翻熱，成碟意粉嘅感覺同翻叮嘅即食飯盒無咩分別。不過幸好煙三文魚份量都唔少。賣相亦似快餐式西餐。唯一可讚嘅就係環境寬敞，而且客人唔多，所以坐得相當舒服。不過餐廳晚上9點就閂門，夜啲去嘅話可以坐嘅時間都唔長。

今日叫餐叫餐等咗30分鐘都唔嚟，一直有問幾時整好到以為嗰碟係畀啲自己點知送咗去第二張枱,問侍應生話廚房畀錯訊息送咗去第二張枱,我覺得個廚房應該一早抌咗我張單所以先至送咗畀第二張枱先.呢間舖頭未裝修之前我仲周圍同朋友講呢到抵食而家裝修完之後食物加曬價又唔包嘢飲仲要加一，加上今日嘅遭遇我以後都唔會嚟我好想佢快啲執笠

之前上網睇，話呢間餐廳裝修中。所以，原本打算到此商場的另一間餐廳食飯！點知，真正來到這裡之後，便發現有食客用餐中，原來已經裝修完畢！我都好耐沒來過這裡食飯！由於友人想到附近行下。所以貪方便，便選擇這商場食飯！又見呢度裝修開揚！又有一張搖搖凳！幾得意！所以便在這裡食午餐！點了「黑松露蘑菇濃湯螺絲粉」，配餐湯及沙律。另外一個蕃茄香草腸意粉配熱檸檬水及另加焦糖燉蛋。（燉蛋算好食。）驚喜是「熱檸檬水」唔知點解變咗熱檸蜜！不過都好味😋！不過，兩碟意大利粉都太林！一點都不彈牙，沒有口感！最每人詫異的是條腸仔！真係好求其是但咁切的感覺！一點誠意都沒有。番茄🍅汁，好「水」（好稀）。真係超級失望😞！黑松露濃湯螺絲粉，同樣都是水的！味道欠奉！希望下次食物質素會有所改善！

下晝同同事黎呢度食lunch, 最好個樣野就係冇人排隊, 一定有位! 佢半open area, 座位與座位之間有少少距離, 唔會好迫。 呢間餐廳都開左好耐, 估唔到捱得過疫情 🤭 同同事兩個分別叫左兩個午餐, 價錢大約$70幾, 送一杯野飲。咁岩兩個午餐都係蕃茄, 一個係煙三文魚螺絲粉, 另一個係肉丸意粉。螺絲粉係同事叫, 小編無試到, 但同事話煙三文魚幾好味, 螺絲粉就無特別。 蕃茄肉丸意粉個肉丸無Ikea咁有口感, 佢有少少散散地既感覺, 蕃茄汁酸酸地, 唔係用新鮮蕃茄煮, 正常味道。反而最出色係杯熱焙茶奶茶, 焙茶味好出, 唔加糖都有少少甜 👍🏻

今日約左Miss W👩🏻要還返D野比佢，咁順便一齊食個lunch先！😁😁～～～黑松露蘑菇濃湯螺絲粉～～～我同Miss W👩🏻同樣都係叫咗呢個午市套餐，會好明顯見到中間會有一小撮黑松露醬，唔算太濃郁，但合格以上。當中配料有新鮮西蘭花及少量菇菌，雖然冇肉食但都係一個好味嘅螺絲粉午餐😀😀，但如果個湯可以再濃郁少少會更加好☺️☺️～～～凍檸🍋水（少甜）～～～我以為係茶餐廳嘅凍檸🍋水，但原來佢係檸檬🍋汁嘅凍檸🍋水😅😅，我就飲唔慣呀🥲🥲

阿仔一向有鼻敏感同氣管敏感，天氣一轉，呢排又開學，又開始發作，有少少作感冒！呢日就帶咗佢去始創中心，睇佢一向睇開嘅超好兒科醫生，等佢檢查吓！下晝去睇，佢又例牌多要求，話一定要去食嘢，就同咗佢去咗商場呢間店舖食Tea!2樓呢間店舖，景觀都幾開揚，裝修有啲童話少女風，以綠色、淺啡木質為主，座位都有軟墊，坐得都算舒服。明明話叫一個餐兩份食，大大就堅持食兩個餐。香草忌廉煙三文魚意粉煙三文魚味道適中，唔會太鹹，意粉唔淋，都算爽口，忌廉汁好香，個汁唔會太杰身，配埋小西蘭花食，感覺好健康！綜合菇菌芝士薄脆我薄脆真係超級，配埋唔同嘅菇類，加埋芝士焗，一齊食，真係好好味！熱新鮮水果茶水果茶由好多新鮮水果沖泡，但又唔會太甜，好重果香味，大大都好鍾意飲。熱檸水個檸水冇落糖都有甜味，飲完覺得清新健康。

我們於7/9（四）約上午11:15左右到達餐廳，位置挺多，侍應招呼我們隨便坐，之後出去買單。我們叫了1個午市套餐及烤薄脆。❶綜合菌菇芝士薄脆（$62）：有6小塊，芝士🧀️拉絲，不過薄脆因為d料太重，所以不是十分脆🤣❷芝士鮮炒白蘑菇三文治配滑蛋、沙律、茄汁豆（$102）：熱騰騰的芝士配白蘑菇三文治🥪，👍🏻👍🏻，炒蛋🍳挺厚，沙律佔碟的一半，有少許脆面包粒。Sofa位近風口位，怕冷的客人要留意。埋單不用加一

餐廳依商場格局成孤形鋪面, 我來到 樓層遠遠見到友人, 即逕自向他走去, 卻不得其門而入, 原來要繞個圈到另一頭入口。枱面已有餐牌, 選擇甚多, 每個菜的圖片都色彩豐富, 賣相吸引。選擇困難, 還是叫晚市套餐不用煩。1) 沙律先放乳酪沙律醬在杯底, 以企身方式放置各種沙律菜蔬, 造成色彩繽紛效果。沙律醬有點酸, 沙律菜算是新鮮, 給70分。2) 磨菇忌廉湯以小杯上枱, 雅緻簡潔, 濃稠適中, 味道一般。3) 意式蕃茄肉丸意粉意粉份量對女士來說較多, 四粒肉丸大大粒, 西式煮法不彈牙但味道幾好; 要讚的是蕃茄醬汁落足香草,  若能加多少少醬汁份量改善整碟意粉的乾身口感更好。同樣地, 意粉上刻意加上兩瓣煎過的鮮蕃茄及兩片羅勒葉, 增加色彩的點綴效果。 這個菜給85分。4) 熱檸檬綠茶晚上飲紅茶有礙入睡, 竟然有綠茶選擇, 讚! 檸檬片不會苦澀, 幾好!

採半自助式的Cafe，雖然是一個人來用餐也不難找位置。被安排了座位後可以看餐牌，決定好吃什麼好再去點餐處下單和付錢，之後回座位等上餐也可以了喔。而且可能是因為客人不多，可以慢慢用餐也沒有人趕。煙三文魚凱撒沙律脆香鬆餅 ($108)配一杯凍的深焙奶茶。香烤的味道並不算濃厚，但還算不錯。鬆餅有兩塊，吃落有點煙煙韌韌的口感，可以配糖漿來吃。或者配嫩滑的炒蛋吃也不錯 (可免費升級做黑松露炒蛋)凱撒沙律的羅文生菜很爽脆，煙三文魚都夠多，不然這價錢會覺得太貴。