芭堤雅小廚

营业中

休息中

同邻居放假冇嘢做，就踩单车过嚟近近地食个晏。大美督其实有好多选择，但系好耐冇食过呢间。门口侍应，好鬼合作，叫我哋拍好啲单车喺餐厅侧边，咁就二话不说入咗呢一间。12:00入到去已经全场爆满，睇睇个餐牌午餐选择唔算多，但系都拣到想食嘅。各有各嗌啦，口痕之下，再加多咗个大拼盘。嘢食嚟到嘅时候，邻居又好好俾我让人试啲。个海南鸡饭，油饭比我想像中干身，但鸡总算滑。咁就攞咗另外一个邻居啲咖喱牛腩捞一捞个油饭。个咖喱真系相当出色，椰香味十足，个牛腩都炆得好腍。到我自己嗌个猪手饭黎啦，望落去个汁比较多，都惊有少少服服地，始终好耐冇嚟过食，唔知水准有冇改变。但系食落去出奇地入味又淋滑，$65嚟讲真系抵到爆。跟住个大拼盘嚟啦，其实都饱左大半，咁都唔可以嘥嘢。样样都水准表现得平均，但系就觉得佢个鱼饼有少少偏腍。食饱之后罪恶感倍升，消脂变增磅之旅，但系好食真系大晒嘅。其实自己好钟意食肉碎煎蛋饭，下次一定要试埋佢。