JK Kitchen (已結業)

今日放假行铜锣湾，行到登龙街见好多餐厅，open rice 一下，揾到JK kitchen 食越南菜，心郁郁想试吓。上到楼，餐厅装修简约舒适。有一种悠闲写意嘅感觉，唔似一般越菜餐厅又嘈又迫。除咗一般汤河檬粉仲有小菜，几多选择。呢个系越式春卷汤河，碗河粉好大碗，条条河粉都好幼滑，汤底清甜。春卷炸得好脆，涵料十足，点埋附上嘅鱼露，酸酸地好惹味。呢个系生熟牛肉pho, 牛肉有咬口，汤底比春卷河浓啲啲，河粉一样幼滑。侍应不停帮我地加水，招呼周到。越式甘蔗虾，呢个系越菜必食，虾肉炸到金黄色，卖相好吸引。虾肉好入味，食完成只虾肉，一定要食埋甘蔗，啜吓啲甘蔗汁，清甜味美，中和返炸虾嘅热气。呢条甘蔗除咗有甜味，仲有啲虾味，混埋一齐好特别。总结，呢一餐性价比甚高。