稻埕飯店 (V Point) (已結業)

今日一家大细嚟行街买衫，顺便去买宜家家私拣番啲组装家私。行到六点几，啊仔推介黎呢一间中菜厅食饭 。一入餐厅嘅环境相当宽敞，又别具特色。前台、主菜、饮品都非常之有惊喜。主菜方面： 文姐极力推介盐酥波士顿龙虾脆角豆金瓜，因为屋企好少煮，二来餐厅呢道菜式嘅配搭亦都相当吸引。盐酥后嘅波士顿龙虾都食得出鲜甜，啖啖肉，蔬果作为配菜都唔会逊色，特别系秋葵令人难以接受嘅口感都被炸香了，香脆可口！另外阿女就拣咗个黑松露鲜百合花，黑松露份量颇多而且好香，牛油味道超级浓郁，百合入口非常绵滑。啊仔拣嘅铁板一口鹅肝牛小排，入口感觉较肥美，脂肪感比较重，牛肉亦系意想不到的柔软。当中亦都拣咗一大锅蟹肉蛋白泡泡脆米金汤 ，四人分享。每人都可以饮到一碗半，南瓜味道好棉密，加入埋贝柱、蟹肉、虾仁令到呢碗汤更加鲜甜！而老公就一定要一碗饭落肚，所以亦都叫咗餐厅职员推介嘅八斗子炒饭，除咗可以中和下啲油腻感之外，当然系饱肚之选！饮品方面老公点的Guava see breeze ，以台湾盛产的番石榴，配上Vodka，入口不会太浓烈。我就拣咗一杯比较养生嘅红枣桂圆杞子米水，入口浓郁清香。