花園餐廳 (康寧道)

营业中

休息中

今日一个人，经过花园餐厅，突然间好想食。因为一个人叫咗一个扒餐，上野好快。系印象中嘅忌廉汤，唔会太过浓奶味，好传统，入面有薯仔粒，有少少鱼肉，唔会杰挞挞，点个餐包黎食一流。餐包我都好钟意食，上嘅时候都仲系暖㗎！我以前食铁板就好期待淋汁𠮶一下，而家人大咗要健康，所以我就走汁。呢个系镬仔牛柳（纽西兰），见到啲肉都觉得佢好似好好味，因为系铁板所以一直都好热，切开其实好林，唔会太过硬身，食落个皮都几脆，好多汁，唔会好柴皮，都几有肉味。薯条系我最钟意食嘅粗薯条，好有茶餐厅嘅风味，都唔会太过淋，都脆口嘅。总括而言系童年回忆，价钱都相宜，有机会会再嚟食㗎啦！