中央飯店

营业中

休息中

中央饭店，系深水埗一带长大，有咁上下年纪好多都识，系传统既客家菜，十几年无嚟，今日同屋企人嚟怀缅一番。呢度侍应全部伯伯，但都好nice, 有问必答，难得。炸大肠，金黄松脆，又唔会太多肥膏，高质素！咕噜肉，粉唔算厚，亦唔太多肥膏，而且菠萝青椒洋葱配菜多。炒鲜奶，食落似炒蛋白，好食，唔苏唔腻梅菜扣肉，客家菜表表者，梅菜香，送饭一流呢度招牌菜，荔芋鸭，好多芋蓉，鸭肉反而少，但炸皮多d松脆d会仲好，呢个有少少失望。三鲜炒骨髓，又系呢度名菜，keep到水准，所以配料都入晒味。黄金奶油虾，未上到碟已好香，但因连虾壳炸，食𠮶时有d唔方便，但虾都鲜甜，而且好大只，抵食，好味最后推介，西米焗布甸，要订，金黄焗面，里面有西米吉士，仲有中间一层流心莲蓉吉士，以为好甜，竟然唔系，所以大家都添食。注意，原来送糖水，绿豆沙都好粉好蓉，但连续两个甜品，真系超标。咁耐无嚟，但今次食完，都觉得有下次，呢d食店，买少见少，有份老香港情怀。