真妮 (已結業)

小店要站得住真系好难，又有租金压力，食家又讲性价比。呢个铺位人来人往，但又好似好难做，换过几家餐厅啦。 是日路过餐厅望下menu 好似都可以一试，周未下午茶时间，唔使等位。嗌左打到手软牛肉汉堡及鱼柳汉堡，汉堡包跟薯条/沙律+饮品。 汉堡包由3样野组成，包+肉/ 馅+酱，逐样讲下，呢间小店既包太细太薄，所以佢好难做到外脆内软，面包太干，脆到有D接近法包/ 多士甘。中间块肉OK架，可能因为要就返包既大小, 肉/ 馅相对细。最后酱汁系做得最好，味道好好，但同样地受包既size 影响，唔可以放太多，因此影响左满足感。价钱尚算公道既，始终而家食物材料真系好贵，但我仍然觉得一个餐要食得饱，整体成个餐味道可以，但分量不足，正价时段，下午茶分量。