貴族甜品 (元州街)

营业中

休息中

今日系元旦，所以特登再去贵族度食宵夜糖水。 但估唔到，今日元旦竟然唔系好多人嚟食糖水。所以唔使等就完可以直接walk in入去。入到去，朋友一如既往地嗌佢钟意食嘅 红枣雪莲子炖桃胶，而我就钟意试下新嘢，所以叫咗杏汁莲子炖雪耳。杏汁莲子炖雪耳：个杏汁莲子炖雪耳一放埋嚟，已经问到好浓嘅杏仁味。可见佢用既材料都几充足。而且望落去啲杏汁已经将个雪耳污到变成奶白色 ，好靓。雪耳食落十分爽口。而且因为浸咗啲杏汁，所以食落去好滑好香口。成个杏汁只系有少少甜，所以食完成个糖水都唔会一种好滞嘅感觉。红枣雪莲子炖桃胶：呢个红枣雪莲子炖桃胶用料同平时食开嘅一样，但今日就偏甜咗少少。而且依然唔系好细心。佢哋用嘅红枣仲系有核嘅，所以食𠮶阵时就要自己去核，变相就食得冇咁尽兴啦 。希望可以改善下啦。