影片
更多
2013-01-02
1891 浏览
踏入2013年嘅第一晚，梗系要揾返餐好嘢食下，喺铜锣湾收工太多人，所以同老婆去咗湾仔揾好嘢食，行行下唔觉意发现咗呢间唔太显眼嘅日式餐厅，喺门口睇meun见个2人set都唔算贵，所以就入去试下。可能呢条街真系好少人行，所以舖内都唔系好多人，唔驶等位，舖头细细，有5、6张4人枱，枱与枱之间空间尚算足够。再睇完一次个meun，最后都系食返个set，再加两件盐烧三文鱼鮨。首先嚟到系一个吞拿鱼沙律，佢用嘅系好似罐头果啲吞拿鱼，但整个沙律味道其实唔差，如果可以用新鲜吞拿鱼嚟做就更加好！之后就到散叫嘅盐烧三文鱼鮨，.$15/pc，我同老婆都好钟意食烧三文鱼鮨，贪佢够滑够胶，好多其他地方食嘅都会连埋果块肉，但其实好易烧揩唔好食，而呢件烧三文鱼鮨就细细件冇连埋鮨后面果大块肉，烧嘅火喉亦啱啱好，味道好好！炸虾饭卷，只虾炸到好脆，都算几好味。杂锦刺身，有特大牡丹虾、三文鱼、油甘鱼同海胆，三文鱼同油甘鱼都好肥美好新鲜，海胆入口即溶，新鲜唔腥，唔似系平价货，而且有两大片，好满足。呢旧牛冇记错应该系烧和牛，牛肉味浓，可惜熟咗少少，有少少晒咗旧靓肉。猪软骨手打乌冬，成晚最差算系呢个，乌冬有咬口，猪软骨够入味，本身应
可能呢条街真系好少人行，所以舖内都唔系好多人，唔驶等位，舖头细细，有5、6张4人枱，枱与枱之间空间尚算足够。再睇完一次个meun，最后都系食返个set，再加两件盐烧三文鱼鮨。
首先嚟到系一个吞拿鱼沙律，佢用嘅系好似罐头果啲吞拿鱼，但整个沙律味道其实唔差，如果可以用新鲜吞拿鱼嚟做就更加好！
之后就到散叫嘅盐烧三文鱼鮨，.$15/pc，我同老婆都好钟意食烧三文鱼鮨，贪佢够滑够胶，好多其他地方食嘅都会连埋果块肉，但其实好易烧揩唔好食，而呢件烧三文鱼鮨就细细件冇连埋鮨后面果大块肉，烧嘅火喉亦啱啱好，味道好好！
炸虾饭卷，只虾炸到好脆，都算几好味。
杂锦刺身，有特大牡丹虾、三文鱼、油甘鱼同海胆，三文鱼同油甘鱼都好肥美好新鲜，海胆入口即溶，新鲜唔腥，唔似系平价货，而且有两大片，好满足。
呢旧牛冇记错应该系烧和牛，牛肉味浓，可惜熟咗少少，有少少晒咗旧靓肉。
猪软骨手打乌冬，成晚最差算系呢个，乌冬有咬口，猪软骨够入味，本身应该唔错，但可惜啲汤好咸，我要叫个侍应俾杯热水我加落去先可以食........
最后到呢件红豆黄豆糯米滋，叫做明月卷，睇个样估唔到咁好味，有惊喜！总结今餐算系唔错，$288呢个set亦算抵食，只系旧牛同个乌冬汤扣咗分，会再帮衬！
张贴
