影片
更多
2015-05-25
962 浏览
长假期有咩好做呢？行街睇戏实在太闷喇，不如出远少少行下啦！不嬲都知元朗呢个地方多野食，加上睇到杂志介绍，决定黎个元朗一天游！香港人放假不嬲都晏起身，当然我同班FD都一样啦，揸车去到已经2:30PM。岩岩好系下午茶时间，门口已经好多人等紧，大约等左7,8张枱就入得去噜。OPEN AREA 既环境，感觉开扬，但有帐篷系上面，有少少阳光透入黎又唔惊过云雨。Tea set 有4款，我地咁岩有4个人，紧系试晒4款唔同架啦！1) 流心芝士猪扒配沙律，本人系芝士迷，所以对所有芝士食品都非常有好感，呢个炸猪扒都整得唔错，一切落去溶溶地既芝士涌晒出黎，最惊喜系旁边既沙律都好足料，食到好多唔同种类既生果，抵赞！2) 南山特式三文治，又系好足料既一个公治，厚厚的果块系炸鱼柳，不过食落去既时候块包已经淋左，无左烘底既口感，减左少少分。3) 经典牛肉汉堡，比较逊色，无任何伴碟，而且味道唔算好特别，块牛肉仲加左颇多香草，掩盖左原本的肉味。4) 炸鸡脾配沙律／薯条，肥仔之选，一大啖咬落去，正！不过炸得有点干，无乜鸡脾本身既肉汁，有啲硬，可能当日实左太多人，时间控制得无咁好。每个下午茶餐跟一杯野饮，呢到最出名系冰柱奶
不嬲都知元朗呢个地方多野食，加上睇到杂志介绍，决定黎个元朗一天游！
香港人放假不嬲都晏起身，当然我同班FD都一样啦，揸车去到已经2:30PM。
岩岩好系下午茶时间，门口已经好多人等紧，大约等左7,8张枱就入得去噜。
OPEN AREA 既环境，感觉开扬，但有帐篷系上面，有少少阳光透入黎又唔惊过云雨。
Tea set 有4款，我地咁岩有4个人，紧系试晒4款唔同架啦！1) 流心芝士猪扒配沙律，本人系芝士迷，所以对所有芝士食品都非常有好感，呢个炸猪扒都整得唔错，一切落去溶溶地既芝士涌晒出黎，最惊喜系旁边既沙律都好足料，食到好多唔同种类既生果，抵赞！
2) 南山特式三文治，又系好足料既一个公治，厚厚的果块系炸鱼柳，不过食落去既时候块包已经淋左，无左烘底既口感，减左少少分。
3) 经典牛肉汉堡，比较逊色，无任何伴碟，而且味道唔算好特别，块牛肉仲加左颇多香草，掩盖左原本的肉味。
4) 炸鸡脾配沙律／薯条，肥仔之选，一大啖咬落去，正！不过炸得有点干，无乜鸡脾本身既肉汁，有啲硬，可能当日实左太多人，时间控制得无咁好。
每个下午茶餐跟一杯野饮，呢到最出名系冰柱奶茶，用奶茶雪一条冰柱，就唔会令到杯饮品淡味左，可惜每日限定，我地落单时候已经卖晒了，下次有机会早啲再去试！每个TEA SET连野饮都系＄50-60，以食物质素同环境，总括黎讲性价比算几高！
题外话/补充资料：
餐厅系围村附近，所以外面有好多位置俾大家泊车，对于揸车既朋友非常方便呀！
(以上食记乃用户个人意见 , 并不代表OpenRice之观点。)
张贴
