南山軒 (已結業)

星期五一班舊同事約出嚟吹水，搵到一間無限時的食店，雖然步行有dddd遠，但唔難搵可以接受。老闆熱情，服務態度，食物好味！老闆推介咗個餃子小棠菜，我哋以為餃子類，嚟到係一餅貌似墨魚餅嘅食物，鐘意食香口野應該覺得好食！其他款式都好味！會再去試其他菜式！

不嬲都有行開山嘅習慣，但唔喺為打卡而行山，所以，路線都揀得好隨意，有時，就算喺屋企附近行個短山都會。近依半年，多咗項活動，就喺跟啲老友踩單車，其實本身都鍾意踩，只喺以往無乜伴一齊玩。早前，屯馬線開通咗，老友就先去探路，隔多幾星期後先一齊踩番轉，由大埔出發，北上到上水再過打橫過去元朗，到達元朗正好喺食晏時間，老友已計劃好嚟「南山軒」。點解嚟呢度？因為夠自由，夜晚嚟就會見人食小炒、私房菜，但日頭嘅話，就同茶記無異，睇個格局你都見，所以，毫無拘束。而重點喺我哋啲單車喺可以推埋入去裡面，就唔怕被人偷單車啦，所以，有唔少熟架步嘅單車客都會鼠入嚟食嘢。上面都講過喺茶記格，所以，午市食物主要都喺啲碟頭炒粉飯麵。順便就影埋佢哋嘅小菜餐牌，等有興趣嘅朋友可以當個參考。例湯飯餐包湯、包熱飲，先嚟個例湯，好就唔叫好，差亦唔喺差，都喺啲瓜瓜菜菜煲豬肉、豬骨，都喺啲粗粗哋大製作，味道不過不失嗰種，叫做有啖湯入口。時菜豬潤肉片湯飯 $50老友想食啲濕濕哋嘅嘢，所以，最正路就喺揀湯飯，啲湯飯好似啲大鍋米線咁大碗，豬潤多、肉片多，唔使講，飯都好多。疫情仍在，大家各自食，味道就無問喺點，但見老友清晒成碗，應該差唔得去邊

元朗食小菜之選🐒呢間南山軒份量都算幾大，炸墨魚餅好味，恰到好處，出面層粉漿唔會太厚，外脆內彈牙，加埋沙律醬或者泰色辣醬都好惹味☺️菜膽霸王雞就不過不失，我都係鐘意用小棠菜多d，雞肉唔夠滑，不過調味就唔錯🐥至於炒大腸就一般，實在太咸，用黎配飯就好d，唔係就太重口味🤧

呢間之前食過下午茶,今晚試吓小菜,份量大碟足料,小菜價錢經濟。椒鹽鮮魷新鮮即炸,好有鑊兼脆口,極力推介中式牛柳牛柳鮮嫩多汁,入口鬆化,送飯一流。鼓汁蒸鱔鱔肉加上濃濃豆椒香又不腥,唔錯。蒜蓉炒芥蘭芥蘭爽脆清甜,蒜蓉味濃郁。

真係食過返尋味！琴晚先嚟食晚飯，今日又嚟食晏晝！原來食lunch仲抵！$48咋！我哋三個大人兩個細路嗌咗四個餐！每一日有七款俾你揀（星期日冇）。今日星期六係有：梅菜扣肉飯 $48涼瓜牛肉飯 $48菜脯肉碎炒蛋飯 $48沙薑雞飯 $48抵到無人有！啲餸嘅味道又係100分！同埋你睇吓啲飯幾大碟！好似唔駛錢咁！又有例湯送又有熱飲送！凍飲都係加兩蚊！呢四個餸除咗沙薑雞比較「銀」，其他食物真係100分！物超所值！！

永無失望嘅南山軒今次星期五晚6:30到南山軒食飯！有位！8成滿！無一次要等，但係唔代表佢唔正㗎！今次我就俾佢100分！點解？因為其實我唔食羊唔食蠔，但係我都有keep住夾嚟食！味道真係滿分！服務好好！好似你叔伯兄弟serve你咁！上菜都算快！正常速度！就算多人都唔會等好耐！去開元朗又唔想食連鎖餐廳，食呢間無錯！砵酒焗桶蠔 $？？雙冬羊腩煲$328豉汁檸檬蒸烏頭 $118芋頭油鴨煲 $98蒜蓉西蘭花 $58

今日去元朗踩單車好熱，其實都唔太想食野，但如果有杯正斗既凍飲就好喇我們去了南山軒飲奶茶，特別在冰棒都是用奶茶雪成的，所以杯凍奶茶飲極都唔會覺得淡，而且奶味都好重，熱辣辣底下飲杯濃味凍奶茶確係爽，充電後繼續

2人行既星期六。唔知食咩好。就上網搵下有咩推介喇見到評語唔錯又係私房茶。就坐車出發餐廳都唔算難搵。入到去就有位每枱都會跟一細碟花生。2個人叫既野多唔到。咁坐低都叫左3個小菜試下加1個飯share 蒜香排骨紅燒豆腐墨魚餅3樣野老實講。。全部都好淡味。唔望住都唔知食緊咩。完全食唔到有味埋單差唔多$300。可能因為無味。所以覺得好唔抵！**飲茶自己記住要望清楚。因爲我個日洗極隻杯都有層油的**成餐最好食係啲花生🤦🏻‍♀️令人好失望既一餐。一定唔會再黎

有朋友介紹呢間私房菜幾抵食，所以當日就拉大隊一齊去食啦佢都係叫小菜咁食嘅，幾惹味，我哋當日都叫咗幾個餸，其中蝦餅好好味，值得一試，因為好足料！睇得到呢間餐廳都係誠意製作，因為食得出味精唔重，份量又足夠，而且最後仲送糖水，好有家的感覺！餐廳裏邊有電視睇，可能因為地方比較偏，雖然都近西鐵站但都唔多人，惟獨係來親既應該都熟客，可能又因為住村啦，所以佢地講野都幾大聲下，我地坐正隔離會有啲辛苦不過其實都幾抵食，食得飽又好味，百零數就落到樓了，值得再去！

之前下午茶食站一次好正 今晚來試晚飯小菜元朗西鐵站行過來大約5-6分鐘 都幾方便叫左6個小菜 圖中左上開始順時針係咕嚕肉 雜菇和牛粒 金銀蛋莧菜 煎墨魚餅 仲有個椒鹽鮮魷同霸王雞無影到 咕嚕肉係最好食既一碟 外皮好脆 個酸甜汁味道剛剛好 椒鹽鮮魷都幾正 炸粉夠薄夠脆 其他幾個小菜就正正常常 不過不失 份量都夠食但唔算好抵食 平均小菜每個接近100蚊 不過塞備有冷氣 升係坐得比較舒服既因牌檔之選！

朋友介紹南山冰茶，喺元朗西鐵站J出口行出黎，行去村屋嘅方向，經過BBQ場，就可以去到南山軒，經常見到有d單車隊踩入去食tea。我估夏天嘅時候黎都幾熱，而且仲有烏蠅。而家呢d時候唔太熱就最岩。除左南山冰茶出名，另一款芝士流心豬扒都吸引左好多人黎試下。流心芝士豬扒沙律 $55 可以配薯條，豬扒一切開不得了，好多芝士流出黎，夾住火腿，豬化炸得好鬆化，名副其實流心。接住食番個沙律中和下油膩。經典牛肉漢堡 $48 呢個都係招牌菜，個包相當脆，加上厚厚嘅牛肉，芝士，生菜同蕃茄，份量10足，呢個價錢算抵食。南山冰茶係一枝冰茶柱，比起加普通冰粒，冰茶柱保留香濃茶味。個餐係奉送南山冰茶 / 紅豆冰 / 什果冰，不過一心黎到就緊係試冰茶啦。

本來今日經過元朗，諗住去試下收藏左好耐嘅南山軒，試下佢嘅流心豬扒/漢堡包，點知原來轉左新餐牌要下午茶先有ohhh好啦，一場來到冇理由唔食架，於是就坐低叫左個常餐叫個陣已經覺得食唔曬，佢仲送左碗湯 lol兜米粉都好大碗，完全唔似常餐size! 一個人係絕對食唔曬架！野食味道方面就一般般，第一時間已經即刻拎起份多士食，但都係稔稔地，冇好香好脆口嘅味道。叉燒奄列啲叉燒粗切存在感強，分量足夠值得一讚炸雞脾冇醃過冇咩味道，肉質有少少柴，嗯同食雞胸冇咩分別，係多左好多油咁解啫重點來了！南山茶冰！就咁睇同普通奶茶冇分別，一開頭仲以為佢上錯添 lol 原來收埋左枝奶茶雪條係入面，又幾有心思喎 食完野再飲都同岩岩上台一樣味 唔會比啲溶冰沖淡利申我平時飲台式飲品會叫走甜，呢杯對我來講太甜了，好重煉奶味，但確係幾濃味最後我都係飲曬佢味道似係一杯雪凍左嘅茶走，但係好高質嘅茶走，鍾意飲甜野嘅朋友一定要叫！最後環境方面確實一般，大部分都係圓台，食茶餐嘅話會坐得唔舒服。同埋冇刀叉冇鹽冇辣椒油。來食下午茶食雞脾奄列用筷子真係有啲難搞。下次來嘅話可能會試下佢個小菜/午餐

呢日叫咗一客星期2套餐，即係 一碟蔥油雞飯， 另外叫咗一個廈門炒米蔥油雞好食， 聲稱係走地雞 ，雖然調味冇乜特別， 都係用蔥同埋豉油， 但係佢隻雞 勁有雞味， 口感嫩滑， 隻雞亦都唔肥， 可以食過返尋味， 係香港我食過最好食嘅雞其中之一廈門炒米， 上枱嘅時候已經聞到陣燶味， 同姐姐講要求換過碟， 跟住轉個頭就換咗一個阿叔， 用差嘅態度同語氣走嚟問我哋碟嘢乜嘢事， 我答佢碟嘢有燶味， 佢就話係咁㗎啦， 咁先至炒得乾身吖嘛。 但係嗰啲明明係燶味， 而且我要求換之前試咗1啖，的確係有燶味，亦唔見得特別乾身。 跟住佢keep住用差嘅語氣， 叫我嗌過另一款。 最後轉咗咖哩牛腩飯， 咖哩係普通茶餐廳港式咖哩， 牛腩嫩滑， 牛腩味充足， 不過唔算突出， 應該唔少地方都食到呢個水準所以我覺得呢間餐廳， 可能只有食雞先至信得過

話說 如果唔係有人帶路都唔知YOHO附近有間咁隱蔽既餐廳格局比較簡陋 但反而別有一番風味😂小妹去到剛好係下午茶時段流心芝士豬扒 配薯條 $55真係即叫即炸架 上既時候仲係熱辣辣一切開就有芝士流出黎啦😍入面仲夾左塊火腿添架! 豬扒炸到脆卜卜 就算有芝士食起上黎唔算太膩雖然有啲熱氣 但依然想一食再食😋南山茶冰 (跟餐免費喔)其實即係凍奶茶🤓不過特別在將茶底雪成冰 等冰溶化茶味會愈黎愈濃肉絲炒麵 $40麵條炸到好脆口 淋上芡汁既部分微軟 口感一流👍🏻咸淡適中 唔會太過濃味丫

環境不錯，離地鉄站只5分鐘腳程，午市食物價格適中，晚飯小炒做得不錯，有大排檔的風味鑊氣。但本人最為欣賞的卻是這裏的下午茶出品，招牌漢堡肉汁豐富，蔬菜新鮮份量多，配合大份量的醬汁，滋味十分，跟名氣漢堡店Burger Room 所吃到的，可謂各有各風味。紅荳冰的紅荳煮得滑硬適中，自家煮製，有荳香，甜味剛剛的好。下午茶的炒粉套餐連凍飲及紅荳冰才賣HK$43，份量十足，不會因為定價低而減了份量，出品甚具鑊氣。特別一提是這裏的座位，相對一般茶餐廳都要寬敞舒適，食客很有空間感。空調只是一般，以香港餐廳的標準來說，可用不足來形容，大熱天時入座，閣下可能會感到有點悶熱。