醉權

营业中

休息中

话说我朋友好鬼钟意食醉野佢话要专登去元朗呢一间醉权试下，因为佢个朋友之前食过觉得唔错价钱又够平民，所以就叫我一齐去。坐低咗间铺唔系好大得四五张枱左右，变咗个Menu嚟睇都好多款食物可以拣价钱又真系唔贵，我哋拣咗几款黎食醉蛋，呢个系溜心蛋嚟嘅，食落好有酒味，里面啲蛋黄好滑，好有口感。醉鲍鱼，都几大只而且整得好入味好弹牙，值得推介。蛋黄炸云吞呢个蛋黄炸云吞果然唔错，每粒中间都有唔少蛋黄，外层脆卜卜，食落去好香口，加埋啲蛋黄香味，再点埋啲甜酸酱味道好夹。炸花枝丸呢个花枝丸上碟出嚟好新鲜热辣辣，外皮香口里面弹牙，食落好滋味。醉鸡，只鸡外皮好靓，鸡皮同啲鸡肉都好滑，而且啲鸡好有酒味，好正虽然元朗对于我哋啲九龙友黎讲系远啲，不过以咁嘅价钱又真系抵食几值得去，下次我朋友都话会再黎过。