Sage Bar

营业中

休息中

今日热辣辣，最好就系凉住冷气食brunch。见到依到有落地玻璃，可以坐响到欣赏出面景色，我地三个人就拣坐窗口位坐低。Brunch menu 有好多选择，最后同行朋友拣左All day breakfast同pasta，我就拣左pizza。不过最后都系share食。All day breakfast款式都几多，最有惊喜系焗薯仔，好香好滑既奶油，焗得岩岩好。沙律菜好新鲜，加埋个酱汁可以减低肉类油腻感。下次可以试下加$12食牛油果。意式烟肉蕃茄酱羊芝士饮管意粉个意粉比一般意粉粗身，好烟韧有咬口。蕃茄酱酸酸甜甜，响炎夏食特别开胃，我地好快已经清哂成碟。风干巴马火腿火箭菜薄饼系我最爱既薄底pizza，最怕食港式厚底pizza。Pizza底有蕃茄酱加上份量都唔少既巴马火腿，火箭菜独特味道，令我觉得好似响欧洲食紧lunch。总括来讲，依间餐会系我地encore list入面，价钱唔贵食物高质，同埋我由2点坐到5点，都无比人黑面仲不停加水，星期日最岩响到hea住食。