影片
更多
2019-04-12
55 浏览
今日男朋友话有人介绍佢食一间好好味既餐厅，起初我都半信半疑，事关"别人推介"既好多都中伏，但今日我试呢间「圆老爷」确确实实地响我心目中奠定何谓真正既小炒，相比起好多广为人知既大排档、小菜馆以及什么小炒小菜王，「圆老爷」做既每一道菜与其它相比绝对系有过之而无不及。镬气够、味道好、卖相靓仔，厨师有功架为首要条件，门面做到几咁冠冕堂皇，味道失色亦无补于事，实实在在咁用心去煮好每一个𩠌菜，加上服务态度良好，唔怕会无回头客，我亦将会系回头既其中一位。酸菜煮新鲜龙趸班球酸菜鱼大多数餐厅会使用淡水鱼种，好啲既会用到桂花鱼，差小小既会用鲶鱼、生鱼甚至草鱼等，偏偏小妹对淡水鱼既泥气味比较抗拒，但又好钟意酸菜鱼既味道，所以好多时都会退求其次地选择，而今次系我首次食到以海鱼去制作既酸菜鱼，仲要系龙趸，点菜既时候已经感到万分惊讶，龙趸的而且确系龙趸，无花无假，分量仲好充足，又胶又厚既鱼皮连住嫩滑既鱼肉，酸度适中而又鲜甜既汤汁，正宗既味道搭上海鱼，我个人心中已经讲过无数句好味，下次再想食酸菜鱼唔返黎食都唔知可以去边食！陈醋咕噜肉咕噜肉基于会使用肥肉去做，加上经过油炸既关系，普遍食三四件小妹已经会有种又腻又滞既感
镬气够、味道好、卖相靓仔，厨师有功架为首要条件，门面做到几咁冠冕堂皇，味道失色亦无补于事，实实在在咁用心去煮好每一个𩠌菜，加上服务态度良好，唔怕会无回头客，我亦将会系回头既其中一位。
酸菜煮新鲜龙趸班球
酸菜鱼大多数餐厅会使用淡水鱼种，好啲既会用到桂花鱼，差小小既会用鲶鱼、生鱼甚至草鱼等，偏偏小妹对淡水鱼既泥气味比较抗拒，但又好钟意酸菜鱼既味道，所以好多时都会退求其次地选择，而今次系我首次食到以海鱼去制作既酸菜鱼，仲要系龙趸，点菜既时候已经感到万分惊讶，龙趸的而且确系龙趸，无花无假，分量仲好充足，又胶又厚既鱼皮连住嫩滑既鱼肉，酸度适中而又鲜甜既汤汁，正宗既味道搭上海鱼，我个人心中已经讲过无数句好味，下次再想食酸菜鱼唔返黎食都唔知可以去边食！
陈醋咕噜肉
咕噜肉基于会使用肥肉去做，加上经过油炸既关系，普遍食三四件小妹已经会有种又腻又滞既感觉，而「圆老爷」咕噜肉截然不同咁排除左我呢种负面既感觉，反而仲越食越开胃，何解呢？
首先脆浆做得出色，薄薄既一层，不太厚又唔会不够脆，足够锁住肉汁，又无多余未被炸透既粉残留于口中。其次就系个甜酸汁，利用陈醋再加上小许既梅子作调教，绝无甜到涩既口感，反而仲多左一份回甘既滋味。
飘香酱海皇鸡煲
以鸡煲作招来餐厅饭店，经验话我知离不开都系用大量洋葱、干葱头、大蒜、芫茜及花椒八角等既香料沟埋一齐，加入大量既油、糖、盐及味精去浸泡住啲鸡，再俾你滚下滚下，由眼耳鼻舌身意都沾满呢种味道，甚至连鸡既味道都可以完全掩盖埋，坦白讲我真系唔知食梗香料定系鸡，所以此店招牌写明主打鸡煲，点都要试一下佢地既招牌菜式既，睇下有咩唔同？
鸡既份量好充足，配料恰到好处亦都香气十足，唔会太过死咸或者甜到漏既感觉，鸡肉好多汁而宜好嫩滑，一啲都唔柴，
最后重点强调，鸡系有鸡味，而小妹亦好清楚系食梗一只鸡
蜜饯金薯牛仔粒
薄薄既一层蜜饯令牛仔粒能够锁住肉汁，腍腍既肉质与香浓既油脂浑然一体，加入小许黑椒及芝麻作香味上既点缀，令整个菜式惹味程度更加越级升华，厨师既心思令小妹十分赞叹！
张贴
