影片
更多
2024-11-30
78 浏览
听朋友讲元朗新开既呢间「FATTYBOI Pizza and Burger」既Pizza好正，主打即叫即做，睇得到既即制手工薄饼。最特别系透过店门口大玻璃，你可以清楚睇到店员由搓粉团、加料到入烤炉，全程透明化，仲好有「睇戏」既感觉！虽然系外卖店，但现场气氛简单又热闹，忍唔住就入去试吓。.招牌食肉獣手工薄饼 $125首先紧系要试一试试佢地既招牌「食肉獣」薄饼。第一口就被满满既肉香同芝士味包围，番茄酱酸酸甜甜衬托得岩岩好。馅料真系多到数吾晒，有辣香肠、肉丸、鸡肉丁、香肠、红辣椒泡菜同墨西哥辣椒，仲加埋罗勒，香气层次分明。批底又烟韧又弹牙，边边位仲有阵阵焦香，食完一啖即刻想再嚼多几片。.招牌脆炸鸡堡 $75另一个必食之选系招牌脆炸鸡堡。望住个鸡腿就知道系真材实料，厚到目测有4cm！外皮炸到金黄香脆，咬落去仲听到「咔滋」声，内里既肉质juicy得黎好嫩滑，味道一流。用奶油面包夹住，牛油香十足，加埋生菜、酸瓜、番茄片同洋葱片，清爽又吾会腻，套餐附送既薯条都香脆得黎吾油腻，啖啖薯香，好有水准,蒜香脆鸡翼 $45鸡翼迷一定吾可以错过佢地既蒜香脆鸡翼。每只鸡翼都炸到皮脆肉嫩，外层D蒜香味浓郁，咬落去仲
听朋友讲元朗新开既呢间「FATTYBOI Pizza and Burger」既Pizza好正，主打即叫即做，睇得到既即制手工薄饼。最特别系透过店门口大玻璃，你可以清楚睇到店员由搓粉团、加料到入烤炉，全程透明化，仲好有「睇戏」既感觉！虽然系外卖店，但现场气氛简单又热闹，忍唔住就入去试吓。
.
招牌食肉獣手工薄饼 $125
首先紧系要试一试试佢地既招牌「食肉獣」薄饼。第一口就被满满既肉香同芝士味包围，番茄酱酸酸甜甜衬托得岩岩好。馅料真系多到数吾晒，有辣香肠、肉丸、鸡肉丁、香肠、红辣椒泡菜同墨西哥辣椒，仲加埋罗勒，香气层次分明。批底又烟韧又弹牙，边边位仲有阵阵焦香，食完一啖即刻想再嚼多几片。
.
招牌脆炸鸡堡 $75
另一个必食之选系招牌脆炸鸡堡。望住个鸡腿就知道系真材实料，厚到目测有4cm！外皮炸到金黄香脆，咬落去仲听到「咔滋」声，内里既肉质juicy得黎好嫩滑，味道一流。用奶油面包
夹住，牛油香十足，加埋生菜、酸瓜、番茄片同洋葱片，清爽又吾会腻，套餐附送既薯条都香脆得黎吾油腻，啖啖薯香，好有水准
,
蒜香脆鸡翼 $45
鸡翼迷一定吾可以错过佢地既蒜香脆鸡翼。每只鸡翼都炸到皮脆肉嫩，外层D蒜香味浓郁，咬落去仲有少少椒盐既咸香，真系一啖接一啖停吾到手。份量足够两个人share，但食开就忍唔住想自私独食！
.
即制甜甜圈 $65/3个
最后当然吾少得甜品，今次试左芒果、朱古力同柠檬蛋黄酱三款味道。芒果味清甜带微酸，朱古力味浓郁滑口，柠檬蛋黄酱啖啖酸甜好醒胃，甜甜圈外层炸到金黄松脆，内里松软烟韧，每一个都好满足。仲有草莓、杂莓同白朱古力口味，下次要试埋先甘心！
.
张贴
