New York Cafe & Bar (已結業)

周末经过呢间餐厅几次，每次都好多人，一到门口就问有冇book位，好似唔欢迎walk in客咁，等都唔欢迎咁，所以印象一直麻麻，几次过门不入。今天早上请假睇医生，谂住系元朗食完lunch先番工，经过此店，12点冇乜人，就入去试下，当时主店内约有一半坐位有客人，两人坐亦有位置，不知何解店员叫我到旁边的店面用餐。讲真，旁边店面虽说是同店，但坐位比较迫，冷气又不够凉，就是比茶餐好一点的坐位....仲要枱底有蚊滋扰！好了，不谈环境谈食物，就点了午餐88蚊嘅4安士牛柳餐。南瓜汤可以，牛柳就真系细块左啲，外面煎得唔够脆，冇香口嘅口感，88蚊午餐嘅诚意就考验到一间餐厅是否值得去试一试人均300-400的steak dinner了。Side dish嘅Caesar Salad 反而新鲜好味，加分。要赞下这边舖面的侍应哥哥，招呼很好很细心，弥补了不少进店时的不快。