1523 釗級廚房 (已結業)

马田路又开咗新西餐，感觉不错，之前有日行过都要排队，点知今日星期五居然唔洗等，梗要入去试下😂。店面唔算太大，得十张枱左右，不过环境都几舒服嘅。宜家做紧优惠，加配套餐可以有cream 酒一杯。Cream wine 质感好厚，味道有啲似拖肥糖，入口𠮶下，好滑，酒味系之后至上返黎，如果饮咖啡既人，加落咖啡度饮，一定好夹。！餐汤加完套餐，点少得餐汤，是日餐汤系花椰菜汤，味道好浓郁，好香，好味。不过配一齐既蒜容包至系重点！脆脆既外皮，但内𥚃既面包仲keep到好软，食落口好得！慢煮原只德国咸猪手 $168咸猪手一黎到真系哗一声，份量好足，个皮又靓，切落去时，感觉到个皮脆脆嘅，但一落到啲肉，又劲腍，完全顺住把刀都切得开。问落至知，依个就系店主慢煮既成果，个皮保持住脆脆，但内𥚃既肉就保持住鲜嫩❤️，真系心心眼呀！BBQ 酱猪肋条 $168个酱唔会太咸，猪肋条都处理得好好，唔会干，小店黎讲，真系性价比超高！重点系，连个side dish 既薯容都调味得好好，有松露既味道，一向唔好薯既我都食咗好多啖🙈。