新記煲仔雞粥 (已結業)

元朗又新街出晒名多野食 多数小食宵夜比较多 今日晏就去原来新记鸡粥都有开🤩 二话不说就拉左朋友仔入去坐低🤣 餐牌上有劲多选择 有选择困难症既我见到样样都想食😂 最后当然必点左个贵妃鸡猪润粥 呢个真系推介！ 用黄油鸡煲出黎既粥特别香又滑！ 猪润又粉嫩😋粥底又好绵！岩晒喜欢食鸡粥既我！2个人点够食呀～仲叫左碟芽菜炒河！份量唔算多但只系$27 仲要劲有镬气😝 仲有好多韭菜同芽菜加小小辣椒酱真系忍唔住食多2啖😆虽然炒河粉好邪恶🤣🤣 我地仲叫左2份小食酥炸鱿鱼须同脆皮乳鸽🤩两样小食都系即叫即炸 上枱热辣辣好吸引呀！ 鱿鱼须炸左唔会好似擦胶咁咬唔开 反而仲好易咬 再配埋醋 中和返晒 岩岩好完全唔会太油～ 乳鸽都算几大只好有肉 又唔会炸到干争争 仲有好多肉汁 好juice😝 炸乳鸽当然要配埋淮盐🙈咁邪恶既野当然要叫返2杯饮品润返啦 原来呢到有d特色饮品叫左杯话梅柑桔冰同柠蜜🐝 杯话梅柑桔冰好出色 朋友仔饮第一啖已经大赞好好饮 因为酸酸甜甜好香话梅味！ 杯底真系有粒话梅同柑桔 想要酸d可以督多几下🤣 平时夜晚呢间都好多人 试下lunch食都唔错呀🤣🤣